Спорт
Мексиканците продолжуваат да воодушевуваат (видео)
Мексико стигна до својата втора победа на Мундијалот во Русија, совладувајќи ги опасните Корејци со 2:1 за да дојдат на чекор до осминафиналето.
По импресивната 1:0 победа над светските шампиони Германија, „Ел три“ забележа уште една победа, за да се п…


Мексико стигна до својата втора победа на Мундијалот во Русија, совладувајќи ги опасните Корејци со 2:1 за да дојдат на чекор до осминафиналето.
По импресивната 1:0 победа над светските шампиони Германија, „Ел три“ забележа уште една победа, за да се постават во совршена позиција во групата Ф, со меч со Шведска во последното коло. Од друга страна, Јужна Кореја, иако не играше лошо во двата свои меча, веќе има два порази и се елиминирани од првенството.
Мексико имаше подобар почеток на играта, и во 13. минута, Ернандез се обиде да го проигра Лозано на втората статива, но на крајот не беше сериозна опасност по корејскиот гол. Потоа за две минути следуваа две опасни шанси за Кореја – прво преку брзиот Сон, а потоа и по изведениот корнер кога Ки со глава се закани, но Очоа добро интервенираше.
Мексико дојде во водство во 25. минута, кога Џанг играше со рака во шестнаесетникот на Кореја, а Вела беше сигурен од белата точка. Џанг се обиде со лизгачки старт да го блокира Лозано, но ја крена високо раката, и српскиот судија Милорад Мажиќ досуди директен пенал без да го консултира ВАР.
Mexico have earned a penalty off a handball in the box! #MEX #KOR #KORMEX #WorldCup #WorldCupRussia2018 #FifaWorldCup2018 pic.twitter.com/2GndGjfkFN
— HotSpot Soccer (@HotSpotSoccer) June 23, 2018
Ова ги мотивираше Мексиканците, кои во 29. минута се заканија преку Лајун, а во 43. минута Лозано шутираше високо над голот.
Во второто полувреме се играше поубав фудбал и двете репрезентации имаа сериозни шанси. Прво Лозано и Чичарито во 51. минута за Мексико, а потоа, и Ки со силен удар од 20-тина метри во 56. минута. Сон повторно беше опасен за Кореја во 62. минута, а веќе во следниот натпревар, Мексико пропушта голема шанса за зголемување на водството, откако Вела упати силен, но непрецизен удар.
⚽️ Goal❗❗ #KoreaRepublic ?? 0-2 #Mexico ??
Javier ‘CHICHARITO’ Hernandéz scores.#WorldCup pic.twitter.com/ZNssUGlMnJ
— Football GIFs (@FootballGIFs4) June 23, 2018
Во 66. минута, по еден брз контра-напад, Вела го пронаоѓа Чичарито, кој се ослободува од одбранбениот играч и рутински забива за 2:0. Корејците не беа обесхрабрени и тргнаа силно во напад, но голот го пронајдоа дури во 90. минута, кога Сон постигна прекрасен гол од дваесетина метри.
Goaaaaaaal for Korea
Son scores for them in injury time
What a goal
Still time left for a late drama #MexicoVsCorea pic.twitter.com/aV31JdQAk9— Y (@Y18485278) June 23, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.