Скопје
Парите од трката на Дедомразовци ќе се искористат за активна зона во Скопје
Парите од трката на Дедомразвци во Скопје собрани од котизацијата за учество ќе бидат наменети за изградба на активна зона во Скопје, во која ќе биде поставена опрема за фитнес и вежбање на отворено.
Целта на трката е низ забава да се промовира важноста од активниот животен стил и постигнувањето баланс помеѓу внесените и потрошените калории.
„Им честитаме на сите Дедомразовци кои учествуваа во трката. Тие се вистински победници од кои сите ние можеме да научиме и да се охрабриме како да постигнеме енергетски баланс меѓу она што го внесуваме во нашето тело преку храната и пијалаците и она што го трошиме преку физичката активност, неопходна за одржување на доброто здравје“, изјави генералниот директор на Пивара Скопје Александар Ружевиќ, искажувајќи задоволство што целите за кои се организираше оваа предновогодишна трка се совпаѓаат со основните принципи и вредности за кои се залага Пивара Скопје.
„Се надевам дека на ваков начин сите ние заеднички ќе ги инспирараме сите луѓе да почнат да ги менуваат своите навики кои ќе им овозможат да постигнат совршен баланс во современиот ритам на живеење кој ќе ни донесе повеќе здравје и радости на сите нас и на идните генерации“, потенцираше Ружевиќ.
Инаку, задачата на учесниците во трката кои симболично беа облечени во Дедомразовски костими беше да ја истрчаат трасата долга 1,6 киломтери што почнуваше од плоштадот „Филип II”, а заврши во паркот „Жена – борец“ во центарот на Скопје.
За оние учесници кои први ја поминаа целта беа предвидени симболични награди, медали и благодарници, а за сите учесници и поситители беше организирана и соодветна забавна програма. /крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Кисела Вода: Компјутери, принтери и телевизори за училиштата „Рајко Жинзифов“ и „Кирил Пејчиновиќ“
Набавени се компјутери, принтери и телевизори за основните училишта „Рајко Жинзифов“ и „Кирил Пејчиновиќ“ во Кисела Вода, како дел од континуираните активности за унапредување и модернизација на наставниот процес, извести Општината.

„Во периодот кога учениците се на зимски распуст, во училиштата се врши опремување со нова информатичка опрема, со цел второто полугодие учениците да го започнат со поквалитетна настава и полесен пристап до дигитални содржини.

Со оваа инвестиција, општина Кисела Вода уште еднаш ја потврдува својата определба за дигитализација на образованието и создавање современи услови за учење, во чекор со новите образовни стандарди и потребите на учениците“, соопштуваат од Општината.

– Нашата цел е децата да учат во современи и опремени училишта, каде што ќе имаат можност да стекнуваат знаења и дигитални вештини неопходни за нивниот понатамошен развој. Компјутерите, принтерите и телевизорите кои ги обезбедивме во училиштата „Рајко Жинзифов“ и „Кирил Пејчиновиќ“ се уште еден конкретен чекор во таа насока, а учениците по зимскиот распуст ќе бидат пречекани со значително подобри услови за настава, изјави градоначалничката на општина Кисела Вода, Бети Стаменкоска Трајкоска.



Македонија
(Фото) Во текот на декември подигнати 𝟣𝟥 𝟢𝟢𝟢 тони комунален отпад во Скопје
Во текот на месецот декември 2025 година, ЈП Комунална хигиена-Скопје подигна и транспортираше вкупно 13 000 тони комунален отпад од кантите во индивидуалните домувања и контејнерите поставени на јавни површини на територијата на градот Скопје, известуваат од ЈП Комунална хигиена-Скопје.

„Воедно, екипите на Претпријатието отстранија и 2200 кубни метри претежно кабаст и градежен отпад од диви депонии лоцирани во сите скопски општини.

Во текот на последниот месец од минатата година, Еко-патролата на ЈП Комунална хигиена-Скопје реализираше голем број едукативни разговори со претставници на стопанските субјекти, како и со лица коишто биле затекнати при неправилно одлагање на отпад, при што се изготвени 225 записници.

Најголем број на записници – вкупно 85 – се врачени во скопската општина Kарпош“, се додава во соопштението на ЈП Комунална хигиена-Скопје.
Македонија
Делови од Центар и Зелениково денеска без вода
Од ЈП Водовод и Канализација известуваат дека денеска поради дефект на затварач од ф – 100 мм на ул. 5 бр. 47 во село Моране, во периодот од 08.30 часот па се до отстранување на дефектот без вода ќе останат дел од корисниците од село Моране, општина Зелениково.
Од ЈП Водовод и Канализација исто така информираат дека поради уличен дефект на ул. Васил Ѓорѓов б.б – пред ОУ Киро Глигоров, во периодот од 09.00 часот па се до отстранување на дефектот без вода ќе останат корисниците од улиците Васил Ѓорѓов, Адам Мицкиевиќ, дел од корисниците од улиците Киро Глигоров и Козара, како и објектот на заводот за физикална медицина и рехабилитација, општина Центар.

