Европа
(Видео) Владиниот план за 12-часовно работно време предизвика масовни протести во Австрија
Меѓу 80.000 и 100.000 луѓе, според податоците на полицијата и синдикатот, протестирале вчера во Виена против намерата на австриската влада да го продолжи работното време на 12 часа дневно односно на 60 часа во една недела.
Протестниот марш, организиран од моќната синдикална конфедерација OeGB, завршил без инциденти откако стигнал до центарот на градот.
Massive rally for miles and miles in #Vienna against government’s decision to increase working hours from 8 to 12. #12StundenTag pic.twitter.com/TXlf7avmrr
— Jamal (@ShahzadaJamal) June 30, 2018
Ова е прв голем собир откако власта во Австрија ја презема младиот конзервативен лидер, Себастијан Курц, кон крајот на минатата година. Исто така, ова беше најголемиот протест од 2003 година, кога десетици илјади демонстранти се спротивставија на пензиската реформа.
Откако владата ја истакна потребата компаниите да бидат поконкурентни, парламентот ја усвои таа одредба во четвртокот, а со критики реагираа синдикалните организации и Католичката црква.
Досега вообичаеното работно време во Австрија изнесуваше 8 часа дневно односно 40 неделно, а максимално беше дозволено најмногу 10 часа дневно или 50 неделно, но сега владата сака дополнително да го зголеми работното време.
Под притисок на опозицијата, владата го смени првичниот план и сега гарантира дека 12 часа дневно или 60 часа неделно работниците ќе одработуваат само врз доброволна основа, како дополнителни работни часови.
Претседателот на синдикатот OeGB, Волфганг Кацјан, побара од коалицијата на власт, избрана по ветувањето за проширување на опсегот на директната демократија, референдум за ваквата мерка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.