Свет
Претседателските избори во Мексико можат да донесат голема промена во земјата
Мексико избира претседател, а доколку актуелниот фаворит, левичарот Андрес Мануел Лопез Обрадор, победи, на власт ќе ги замени двете партии што го водеа Мексико 100 години.
Во Мексико, паралелно со претседателските избори, се одржуваат и избори за 128 сенатори, како и за 500 пратеници во мексиканскиот Конгрес.
Вкупно 88 милиони луѓе имаат право на глас, објави Би-би-си.
Обрадор вети дека доколку биде избран, ќе се бори против корупцијата.
Би-би-си соопшти дека досегашната кампања во Мексико била обележана со најлошото политичко насилство во последните неколку децении.
Дописникот на Би-би-си од Мексико, Вил Грант, изјави дека мнозинството гласачи сакаат да го сменат актуелниот претседател Енрике Пења Нието и се гневни поради забавениот економски раст на Мексико, како и раширената корупција и криминал.
Обрадор ја наведе борбата против корупцијата како еден од столбовите на неговата кампања и вети дека ќе ги зголеми платите и пензиите, пренесува Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Свет
Хелокоптерот во кој загина иранскиот претседател не емитувал никаков сигнал
Хеликоптерот што се урна додека ги превезуваше претседателот и министерот за надворешни работи на Иран немал вкучено сигнален систем или не поседувал, изјави турскиот министер за транспорт Абдулкадир Уралоглу.
Уралоглу им рече на новинарите дека провериле дали има сигнали од хеликоптерот откако слушнале дека се урнал.
„Но, за жал, мислиме дека најверојатно сигналниот систем бил исклучен или хеликоптерот го немал тој сигнален систем бидејќи ние сигурно ќе ги видиме тие сигнали, но немаше“, рече тој.