Црна хроника
Полицаец од „Ќафасан“ зел 50 евра поткуп да се почести кафе

Полицаец, вработен како раководител на смена во полициската станица за гранични проверки, Ќафасан зел поткуп од 50 евра, па против него е поднесена кривична пријава.
Поткупот го побарал на 6 декември од двајца албански државјани кои патувале од Тирана кон Скопје со автобус, а требало да патуваат во Брисел со авионски лет од аеродромот „Александар Велики“ во Скопје.Иако немало законски пречки странците да влезат во Македонија тој им побарал пари „за да се почести кафе“ и побарал во една од патните исправи да му стават 50 евра.Откако извршил дополнителна проверка, без да изврши евидентирање на патниците во Оперативната евиденција на МВР со својата шифра и да стави печат за влез во патните исправи им дозволил влез во Македонија. Наредниот ден околу 04,30 часот при обид да ја поминат пасошката контрола на аеродромот „Александар Велики“ е утврдено дека во патните исправи немаат печат за влез во Македонија.Албанските државјани тогаш го опишале настанот кој се случил на граничниот премин Ќафасан и случајот го пријавиле во МВР. Во полициската станица во Струга извршиле препознавање на лица. Четириесет и тригодишниот полицаец од Тетово кој примил поткуп доби кривична пријава./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.