Европа
ЕУ подготвувa системски контроли во Шенген и за државјаните на ЕУ
Во рамките на мерките за борба против тероризмот коишто ги подготвува Европската унија се наоѓа и предлогот за системски контроли на пасошите при влегување во Шенгенскиот простор и за државјаните на ЕУ, што досега не беше случај, како и построга контрола на надворешните граници на ЕУ, според неименувани извори од Брисел.
При влегувањето во Шенгенската зона во моментов систематски се прегледуваат документите на сите патници, државјани на земјите надвор од Европската унија, додека за европските граѓани постојат засебен сообраќајни ленти и специјални шалтери на кои нема системски, туку само случајни контроли на патниците.
По исламистичките терористички напади од 7-ми до 9-ми јануари во француската престолнина Париз, ЕУ започна со подготовка на низа мерки за борба против тероризмот. Така, следната седмица, односно на 29-ти и 30-ти јануари во Рига ќе се соберат министрите за внатрешни работи на 28-те земји членки на ЕУ на неформален состанок, а ќе разговараат за тоа како да се спротистават на тероризмот. Повторно за тоа ќе разговараат и министрите за надворешни работи на 9-ти февруари, а челниците на ЕУ на самитот на 12-ти февруари.
Европската комисија во средата најави дека во мај годинава ќе ги претстави новите безбедносни стратегии за периодот од 2015 до 2020 година, како и дека клучниот елемент во таа стратегија ќе биде прифаќањето на законот за употреба на податоците за патниците во воздушниот сообраќај (PNR), законот за заштита на податоците и засилување на контролата на Шенгенскиот простор.
Координаторот на ЕУ за борба против тероризмот, Белгиецот Жил д’ Кершов подготвил за тие состаноци низа предлози во документ кој дојде до повеќе агенции. Во тој документ самата Шенгенска зона не се доведува во прашање, како едно од најголемите достигнувања и вредности на ЕУ, но за да тоа и остане така се наведува дека мора да се засили контролата на нејзините надворешни граници. „За да се сочува Шенген и истовремено високото ниво на безбедност, контролата на надворешните граници на Шенген мора да бидат засилени“, се наведува во документот кој го цитира Hina.
Се наведува, исто така, дека работата над ова би започнала, под покровителство на Комисијата која се однесува до побрзата контрола на движењето на европските државјани преку шенгенската граница, би требало што побрзо да биде завршена. „За таа цел, земјите членки неопходно е поекстензивно да ги контролираа и проверуваат некои патници врз основа на објективни, конкретни критериуми, коишто ќе го почитуваат лесното минување на границите, основните слободи и безбедносните барања“, се наведува уште во цитираниот документ.
Новите мерки може позначително да се почувствуваат во земјите од регионот, кои иако членки на ЕУ се надвор од Шенгенската зона, како Бугарија, Романија и Хрватска којашто има и воедно најдолга надворешна граница на ЕУ.
Жил д’ Кершов во својот документ предложил уште бројни мерки кои, меѓу другото, вклучуваат и справување со радикализирање, особено преку социјалните мрежи, за да се детектираат и отстранат содржини кои повикуваат на тероризам. Како што објави во средата Reuters повикувајќи се на истиот документ, Европската унија би требало да ја разгледа можноста интернет компаниите да ги принуди да им помогнат на безбедносните служби да ги дешифрираат кодираните пораки во електронската пошта и комуникацијата во рамките на новата стратегија во борбата против терористичките напади.
Една од предложените мерки и е и јакнење на дијалогот со муслиманските верски водачи поради спречувањето на се’ поизразената појава за радикализирање на младите лица./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Европа
Професорка во Британија осудена за сексуална експлоатација на ученици, забременила со еден од нив
Професорка е прогласена за виновна за сексуално искористување на двајца тинејџери на кои им предавала во нивното средно училиште во Велика Британија. 30-годишната Ребека Џојнс ја дочека пресудата на слобода, но беше суспендирана од работа во училиштето.
Британските медиуми јавуваат дека Џојнс веќе била суспендирана и пуштена со кауција поради секс со 15-годишен ученик, идентификуван во пресудата како Момче А, кога почнала да има секс со друг ученик, момче Б, со кој подоцна останала бремена, пишува „Independent“.
На судот му било кажано дека и двете момчиња и праќале флертувачки пораки на „Snapchat“ пред таа да ги покани во нејзиниот стан.
Во случајот со првото момче, таа му го дала телефонскиот број, а како вежба за решавање проблеми, тој морал да ја погоди последната цифра. После тоа се поврзале на Снепчет и тој и праќал пораки во кои парот се договарал да се сретнат тајно.
Таа потоа го однела на шопинг и му купила скап појас. Полицијата подоцна ја пронашла неговата сперма во нејзината постелнина. Второто момчпе кажало дека врската со професорката започнала со бакнежи кога имал 15 години и со сексуални односи кога наполнил 16 години.
Џојнс пред судот се бранеше дека доживеала „нервно растројство“ кога била суспендирана од работа, по полициската истрага, и се вратила кај нејзините родители.
Џојнс на суд тврдеше дека никогаш немало сексуална активност со првото момче и дека врската со второто момче се развила додека таа била суспендирана од работа.
Таа плачела додека им кажувала на поротниците дека бебето што го родила и е одземено неколку часа по раѓањето и сега ѝ е дозволено да го гледа детето само три пати неделно. Таа беше прогласена за виновна по шест точки од обвинението за сексуална експлоатација на малолетници.
Европа
Словачкиот министер за одбрана: Премиерот опериран по втор пат, пациентот е стабилен, земјата е стабилна
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак.
„Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо.
Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди.
„Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова.
Лекарскиот совет в понеделник ќе одлучи дали и кога ќе можат да го превезат премиерот во Братислава.
Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица.
„Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак.
Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи.
Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство.
„Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка.
Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација.
Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор.
Судот во сабота ќе го сослуша Јурај Цинтула и ќе одлучи за притворот.