Регион
Петмина повредени во судирите на жителите на Анталија со сириските бегалци
Пет лица се сериозно повредени во турската провинција Анталија откако куќа во којашто живееле бегалци од Сирија била нападната од локалното население вооружено со камења.
Пет лица се сериозно повредени во турската провинција Анталија откако куќа во којашто живееле бегалци од Сирија била нападната од локалното население вооружено со камења.
Сиријците, коишто биле ангажирани на земјоделски работи, биле нападнати од група локални жители по меѓусебна тепачка во градот Манавгат, пишува весникот Hurriyet. Пет лица биле ранети, а четворица се приведени од полицијата, оштетени се четири куќи и два автомобила. Полицијата успеала од градот да евакуира 70 Сиријци за да се избегнат натамошните немири.
Гувернерот на провинцијата Анталија, Муамер Туркер, изјави за медиумите дека уште 1.500 сириски бегалци кои во моментов се згрижени во покраината, добиле од властите наредба да ја напуштат.
„Нашите земјоделски производители бараат да бидат оставен Сиријците како евтина работна сила. Ние сакаме тие да бидат ангажирани на работни места, а не да се занимаваат со питање. Но не планираме да им овозможиме да останат во Анталија за постојано“, изјавил Туркер.
Во моментов во Турција има 1,9 милиони бегалци од соседна Сирија, каде што од март 2011 година беснее граѓанската војна. Во десет турски покраини се подигнати повеќе од 20 шаторски кампови за бегалци. Во нив се организирани и училишта, бегалците ја добиваат неопходната медицинска помош и основните животни продукти. Сепак, во нив се сместени само петина од вкупниот број бегалци, а другите се раштркани по многу градови во земјата.
Турција досега потроши околу 4 милијарди американски долари за помош на сириските бегалци. Власите се изјаснија за политиката на отворени врати за бегалците, но спорадично во некои градови има антисириски истапи од локалното население./крај/мф/сн
Извор: Hurriyet
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.
Регион
Обвинителството бара продолжување на притворот на осомничените за убиството на двегодишната Данка
Вишото јавно обвинителство во Заечар му предложило на судот продолжување на притворот на Срѓан Ј. и Дејан Д., осомничени за убиството на двегодишното девојче Данка Илиќ за уште 30 дена.
Осомничените се во притвор од 6 април поради ризик од бегство, можност за влијание врз сведоци и уништување или отстранување на трагите на делото, како и вознемирување на јавноста.
Во притвор е и таткото на Дејан Д. под сомнение дека му помогнал на синот да го премести телото на девојчето.
Полицијата по 10-дневна потрага и детална проверка на сите трагови и информации, ги уапси С.Ј и Д.Д. за кои се сомнева дека девојчето го удриле со автомобил а пото нејзиното тело го ставиле во багажникот на колата и го однеле на депонија.
Телото на девојчето кое исчезна на 26 март во Бањско Поље кај Бор се уште не е пронајдено.