Спорт
Надал го „здроби“ Де Минуар, останува светски број 1, Халеп во аут!
Рафаел Надал осигура дека ќе го заврши Вимблдон како светски тенисер број 1, откако лесно со 6:1/6:2/6:4 го „збриша“ Австралиецот Алекс де Минаур за пласман во четвртото коло.
Шпанецот влезе на турнирот како светски број 1 (но втор носител зад Роџер Фе…
Рафаел Надал осигура дека ќе го заврши Вимблдон како светски тенисер број 1, откако лесно со 6:1/6:2/6:4 го „збриша“ Австралиецот Алекс де Минаур за пласман во четвртото коло.
Шпанецот влезе на турнирот како светски број 1 (но втор носител зад Роџер Федерер), но ќе му го предадеше првото место доколку загубеше пред четвртото коло. Сега дури и да загуби во следното коло, а Федерер го освои турнирот, Шпанецот останува број 1.
19-годишниот Де Минаур, кој дебитираше на Вимблдон, спаси пет брејк топки на стартот на мечот, и му создаде малку проблеми на Надал со силниот сервис, но двократниот шампион откако го направи брејкот, ја презеде контролата на мечот.
Следен за Надал е или 19. носител, Фабио Фоњини или Чехот Јиржи Весели – Надал има 11-3 скор против Фоњини, додека против Весели има играно само еднаш и тогаш излегол како победник.
Додека кај мажите главните фаворити мирно ја поминаа првата недела, во женска конкуренција во аут се првите шест носителки на турнирот, откако денеска загуби и првата носителка, Романката Симона Халеп.
Халеп, која на Ролан Гарос ја освои својата прва гренд слем титула, имаше меч-топка против Су-Веи Хсиех, но загуби со 3:6/6:4/7:5 за да ја остави само Каролина Плишкова од топ 10 фаворитките во ждрепката.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.