Црна хроника
Полицијата заплени 50 килограми марихуана во Струмичко
Полицијата заплени 50 килограми марихуана во Струмичко. Секторот за внатрешни работи Струмица поднесе кривична пријава против К.К (26) од село Селемли, општина Богданци, и Д.Т (33) од село Владевци, општина Василево, како и против уште едно, засега непознато лице, поради неовластено производство и пуштање во промет наркотични дроги, психотропни супстанции и прекурсори.
Врз основа на добиени оперативни сознанија за недозволена трговија од страна на соодветните служби при СВР Струмица, завчера и вчера беа преземени координирани активности и мерки за расчистување на случајот. Така, вчера во раните утрински часови, односно околу 3.30 часот, на локација од патниот правец Струмица-село Добрашинци затекнат е второпријавениот Д.Т. кај кого биле пронајдени 50-ина килограми опојна дрога марихуана.
Тој дрогата претходно ја примил од првопријавениот К.К. По ова Д.Т. е лишен од слобода и приведен во полициска станица. Истовремено, од преземените мерки и активности утврдено е дека дрогата била доставена од Скопје од засега непознато лице кое управувало патничко моторно возило VW-Phaeton со чешки регистарски таблички. Во моментот од страна на СВР Струмица се преземаат дополнителни и интензивни активности за лоцирање и лишување од слобода на првоосомничениот К.К., како и на идентификување на непознатото лице, возач на возилото, кое веќе е пронајдено во Кратово и е предадено за крим-техничка обработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.