Свет
FAO: Цените на храната на најниско ниво во пет години
Цените на храната се намалиле во април на најниското ниво во последните речиси пет години, извести агенцијата на Обединетите нации за храна – FOA, прогнозирајќи воедно продолжување на надолниот тренд на цените, имајќи го предвид силниот долар и големите резерви.
Индексот на FAO на цената на кошницата на основните прехранбени производи се спуштил во април за 1,2 отсто во однос на претходниот месец, односно на 171 поен, што е неговото најниско ниво од јуни 2010 година. На годишно ниво, овој индекс е намален за 19,2 отсто. Кошницата прехранбени производи опфаќа житарки, место , млеко и млечни производи, растителни масла и шеќер.
Најмногу во април паднале цените на млекото и млечните производи, за 6,7 отсто во однос на март, што во FAO го толкуваат со поволниот почеток на сезоната во Европската унија и укинувањето на квотите за млекото,а со тоа и со очекувањето на големиот извоз. Поевтиниле и шеќерот и житарките, за 1,3 отсто во однос на претходниот месец, како и растителните масла за 1 процент.
Пораснале единствено цените на местото, и тоа за 1,7 отсто во однос на ревидираната вредност на подиндексот за март, поради поскапувањето на овчкото месо и говедското во Океанија.
Во FAO Прогнозираат продолжување на надолниот тренд на цените, имајќи ја предвид големата понуда и силниот американски долар. „Валутните курсеви и макроекономските трендови би можеле повторно значително да влијаат врз пазарите во сезоната 2015/2015-та“, се констатира во извештајот на агенцијата.
Пониските цени на храната и пониските возарини, како и силниот долар, ќе ја спуштат, пак, вредноста на увозот на храната во оваа година најниското ниво во последните пет години, пресметале во FAO.
Во одвоените двегодишни прогнози FAO, исто така, проценува дека во 2015 година во светот ќе бидат произведени за 1,5 отсто помалку житарки во однос на минатогодишниот рекорд, односно вкупно 2,509 милијарди тони, под услов временските прилики да останат нормални до крајот на сезоната. Прогнозираниот пад на производството се толкува со намалување на површините засеани со пченка, при што влијанието на тоа намалување ќе го ублажат „извонредно високите“ резерви.
Најмногу оваа година би требало да се зголеми производството на културите коишто се користат за производство на растителни маска, и тоа за 5,7 отсто, благодарејќи на големиот род на сојата, но и поради помалата побарувачка во секторот на биогоривата, како и значително поголемите залихи.
Трендовите во производството на млеко и млечни производи навестува натамошен стабилен раст на производството, за околу 2 отсто во оваа година, а во сличен процент, за околу 1,3 отсто, би требало да порасне и производството на месо. Производството на шеќер би требало, пак, според процените на FAO, ќе останат речиси непроменета во однос на минатата 2014 година./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.