Македонија
(Видео) Колку чини прославата со 40 изведувачи во 15 града?
40 изведувачи ангажирани од Владата ќе ја анимираат публиката на прославата за добиената покана од НАТО. Низ 15 градови ќе бидат групата „Архангел“, Слаткаристика, Владо Јаневски, ДНК, С.А.Ф. Бени Нон Стоп, Ориѓански, Елена Ристеска, ДНК и други.
Во 2016 година, СДСМ реагираше за прославата по повод 100 години Ѓорче Петров, за што велеа: „Нема пари за помош на поплавените, а има за прослави!“.
Дане Талески, член на Извршниот одбор на СДСМ вo 2010 за прославата на роденденот на ВМРО-ДПМНЕ пишуваше: „Од каде им пари за целата прослава и колку ќе чини тоа? Знаат ли дека во Македонија секој трет е без работа, а осумдесет проценти живеат во сиромаштија?“.
Според него, тогаш ВМРО-ДПМНЕ требале да понудат решенија, а не да прават „маратонски партиски прослави“.
Некои од музичарите кои ќе настапат во сабота тврдат дека се изиграни. Бендот „Conquering Lion“ вели: „Од Владата ни кажаа дека ќе настапиме на културна манифестација“.
Адвокат од Скопје им нуди бесплатна правна помош на изведувачите кои сметаат дека се изиграни. Член на рап бендот С.А.Ф. ќе настапи затоа што според него тоа било начин да се сочува Македонија и да не се смени името.
Договорите со сите изведувачи се склучени, но од Владата тврдат дека конечната сума сè уште не ја знаат. Прославата за НАТО сè уште нема цена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ денеска излезе со обвинување за скандал во Јавното претпријатие за државни патишта (ВИДЕО)
Опозициската СДСМ денеска излезе со обвинување за скандал во Јавното претпријатие за државни патишта.
Од партијата денеска велат дека скандалот продолжува да се проширува, откако беше обелоденето дека Миланчо Митревски, назначен за шеф на контрола на Наплатната служба на патарините во Петровец, злоупотребува службената положба.
Додаваат дека и покрај изречената дисциплинска санкција, Митревски наводно продолжува со практики на нелегално наплаќање, каде што вишокот пари ги задржува за себе.
Додаваат дека скандалот открива дека неговата квалификација за оваа позиција е само партиската принадлежност, бидејќи е долгогодишен кадар на ВМРО-ДПМНЕ и сопруг на советничка од истата партија во Велес.
Од СДСМ обвинуваат дека законите не важат за партиските кадри на ВМРО-ДПМНЕ, повикуваат на одговорност од страна на надлежните институции, а укажуваат на потребата за итна реакција од страна на Коце Трајановски, кој треба да го разреши Митревски, како и за поднесување на пријави против него за злоупотребите.
Македонија
Претседателката Сиљановска Давкова изрази сочувство по смртта на Алекс Салмонд
Претседателката Гордана Сиљановска Давкова вчеравечер во Охрид присуствуваше на комеморацијата и изрази сочувство по смртта на Алекс Салмонд, поранешен прв министер на Шкотска.
„Искрено сочувство по повод смртта на поранешниот прв министер на Шкотска Алекс Салмонд кој вчера почина во Охрид за време на Вториот Форум за културна дипломатија што се одржа во ко-организација на Кабинетот на поранешниот македонски претседател Ѓорге Иванов, заедно со Институтот за културна дипломатија од Берлин, Градот Скопје и Меѓународниот центар „Алијанса на цивилизациите. Моите мисли се со неговото семејство и најблиските во овој тежок период. Нека почива во мир“, пишува во соопштението од Кабинетот на Сиљановска.
Македонија
Омилена работа на претходната власт била местење тендери, велат од ВМРО-ДПМНЕ
За да одиме напред мора да ја знаеме фактичката состојба, што е оставено од претходно, велат од ВМРО-ДПМНЕ и додаваат дека одговорот е руинирани институции, корупција и криминал, омилена работа на претходната власт била местење тендери.
„Во низата скандалозни тендери се и оние во РЕК Битола. Спорни и според Државната ревизија се тендерите во РЕК Битола што ги доби Марковски компани на чело со сопственикот Борче Марковски почесниот конзул на Белорусија во земјава. Ревизијата утврдила дека биле спроведувани постапки во РЕК Битола со договарање во четири очи без јасно дефинирани критериуми, нееднаков третман на компаниите и расипничко користење на јавните средства. При една набавка одбиена е компанија која нудела подобри услови, а била избрана Марковски компани, во друга пак се глумело конкуренција за битолската компанија на конзулот да ја задржи високата цена. Марковски компани основана во 2020 година со паричен влог од 2500 евра била особено омилена на СДС и ДУИ за делење на тендери. Ваквата Македонија ќе ја смениме. Неспособноста завршува со нив, работиме 100 проценти одговорно за твојата иднина“, се вели во реакцијата на ВМРО-ДПМНЕ.