Спорт
Илчо Ѓорѓиоски повеќе не е претседател на ФФМ, ќе работи во УЕФА
Фудбалската федерација на Македонија (ФФМ) остана без претседател откако досегашниот прв човек, Илчо Ѓорѓиоски, ја напушти функцијата. Ѓорѓиоски, заминувањето од функцијата го објави преку писмено соопштение, објавено на интернет страницата на ФФМ.
Прв…


Фудбалската федерација на Македонија (ФФМ) остана без претседател кога досегашниот прв човек, Илчо Ѓорѓиоски, ја напушти функцијата. Ѓорѓиоски заминувањето од функцијата го објави преку писмено соопштение, објавено на интернет-страницата на ФФМ.
Ѓорѓиоски прв човек на ФФМ беше шест години, а како најголем успех во својот мандат ќе биде запаметен пласманот на репрезентацијата до 21 година на завршниот турнир на Европското првенство.
Како што објави сега веќе поранешниот претседател, негово следно работно место ќе биде во седиштето на УЕФА, во Нион.
Во целост во го пренесуваме писмото на Ѓорѓиоски.
„Не е едноставно во ваков момент да донесам ваква тешка одлука, но отсекогаш сум повикувал на одговорност пред демагогија.
Мојот следен предизвик и одговорност е УЕФА. Од седиштето на европскиот фудбал, искрено и мотивирано, чесно и одговорно, ќе продолжам да го давам мојот придонес во фудбалот.
Како претседател на Фудбалската федерација на Македонија го регенериравме крвотокот на македонскиот фудбал и уверен сум дека тој пат мора да се продолжи.
Со фудбалски речник, во овие шест години имавме препознатлива игра, ред и дисциплина, борбен дух и глад за победи. И посед и напад и градење наместо разграбување.
Велат – тивката вода брег рони. Многу одамна јас тоа го сфатив во буквална смисла на зборот. На тој начин работев и се однесував и како фудбалер, и како тренер и како претседател на Фудбалската федерација на Македонија. За мене, тоа секогаш ќе биде и исправно и правилно.
Тој начин на работа ни донесе пласман на Европското првенство, најголеми успеси со младинските национални категории, враќање на довербата во А-репрезентацијата и пласман на ФИФА-листата, кој ќе бележи само напредок, изградба на еден од најмодерните тренинг-центри на Балканот, инфраструктурно подобрување на стадионите во Македонија, континуирана едукација на тренерите и професионални договори за сите селектори во националните тимови, создавање Академија во ранг на најдобрите во Европа, организација на најголемиот спортски настан во македонската историја – Супер купот Скопје 2017.
Ако пред неколку години буквално молевме некој од авторитетите на УЕФА или ФИФА да ни даде поддршка или да стапне на нашиот тревник, денеска со сите нив сме на иста маса и носиме важни одлуки. Се гордеам на сето тоа.
Нема да бидам искрен ако не истакнам дека финансиското работење е голем успех на Федерацијата. Убеден сум дека А-репрезентацијата преку Лига на нациите ќе обезбеди место на Европското првенство, а неминовен ќе биде напредокот, можеби и до 30. место на фамозната листа на ФИФА. На селекторот, на капитенот Пандев и на соиграчите им посакувам среќа и успех.
Кога ќе ги разгледаме извештаите од работата на Управниот одбор и телата на Федерацијата, станува јасно колку голем е обемот на активности на ФФМ. Од стручно селективни процеси до организација на многубројни натпреварувања и натпревари на македонските репрезентации. Оваа Федерација секој ден се грижи за одржување на македонскиот фудбал, а сето тоа немаше и нема да биде можно без одличната и внимателна работа на поединците во многуте тела и оддели во Федерацијата, а секако тоа се однесува и на сите клубови и општински фудбалски сојузи.
На сите што додоа свој придонес во нашата заедничка работа во Фудбалската федерација на Македонија им се заблагодарувам и од срце им честитам на оствареното.
Би сакал да упатам голема благодарност до Управниот одбор на ФФМ, општинските фудбалски сојузи, вработените во администрацијата на ФФМ, до соработниците, медиумите и фудбалското семејство, кои дадоа свој придонес во реализацијата на голем број проекти.
Во изминатата година некои го чистеа здравото од нездравото ткиво во нашиот спорт и тука запираат спортските вредности.
На крајот, можам да ги поднесам сите навреди, сите лаги и невистини што за мене ги ширеа некои од луѓето што 20 години го уништуваа македонскиот фудбал. Можам да поднесам сѐ бидејќи сум чист и ништо кон никого не должам. Должност на секој од нас е да се бори на идните генерации да им ги покажеме вистинскиот пат и правите вредности.
Ни треба радост и барем некаков оптимизам.
За тоа ќе продолжам да се борам.
И сосема е соодветно моето минато во македонскиот фудбал и мојата иднина во европскиот фудбал да ги раздвојам и сооединам на местото од кое се гради иднината на модерниот фудбал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Модриќ дебитираше во дебаклот на Милан

Хрватскиот фудбалер Лука Модриќ го одигра својот прв натпревар за Милан откако пристигна како слободен агент.
„Росонерите“ дожевеаја дебакл на „Стемфорд Бриџ“, на генералната проба пред почетокот на новата сезона.
„Сините“ ги декласираа со резултат од 4:1, а Модриќ го одигра целото второ полувреме за гостите од Милано.
Во моментот на влегување во играта, Челзи водеше со автогол на Андреј Кубиш во петтата минута, и голот на Жоао Педро во осмата минута. Романскиот дефанзивец дефинитивно беше трагичара, бидејќи заработи директен црвен картон во 18-та минута.
Лиам Делап го зголеми резултатот од пенал во 67-та минута, а Јусуф Фофана го постигна почесниот гол за Милан во 70-та минута.
Делап ги постави конечните 4:1 во 90-та минута и ја запечати победата на Челзи, кој следната недела ќе го пречека Кристал Палас.
Спорт
(Видео) Палас на Ливерпул му го „украде“ првиот трофеј во сезоната

Фудбалерите на Кристал Палас го освоија првиот трофеј во сезоната, откако го победија Ливерпул во популарниот Комјунити Шилд на „Вембли“ по подобро изведување на пенали.
Во регуларниот дел од натпреварот, резултатот беше 2:2. Ливерпул двапати поведе во текот на натпреварот, но двата пати освојувачите на ФА Купот успеаја да се вратат во живот и да победат на пенали.
Нови играчите од Бундеслигата доминираа, Флоријан Вирц му асистираше на Уго Екитике во 4-та минута за првиот гол на натпреварот.
Жан-Филип Матета возврати во 17-та минута од пенал, што најави нов спектакуларен дуел на „Вембли“.
Сепак, само четири минути подоцна, гол постигна уште еден играч кој лртово го засили Ливерпул, Џереми Фримпонг постигна гол за Ливерпул, на асистенција на Доминик Собослај. Во 77-та минута, Ибрахима Сар изедначи на 2:2.
Немаше повеќе голови, па веднаш се шутираа пенали. Во пенал серијата доминираше голманот на Палас, Дин Хендерсон.
Тој ги одбрани ударите на Мекалистер и Елиот, додека Салах промаши, што беше доволно Палас да направат уште едно големо изненадување.
Матета, Сар и Девени погодина за вториот голем трофеј во историјата на Палас, во рок од два и пол месеци еден од друг.
Foto/ EPA/TOLGA AKMEN
Спорт
10 милиони евра го делат Симонс од трансфер во Челзи

Челзи не го затвори летниот преоден рок, а познато е дека Енцо Мареска сака да ја засили конкуренцијата и дека Чави Симонс е следната цел.
Денес пристигнуваат нови информации дека Симонс одамна се договорил со Челзи и дека сега чека да биде постигнат договор меѓу клубовите клубовите.
Моментално 10.000.000 евра ги делиат РБ Лајпциг и Челзи. Наводно, РБ Лајпциг сè уште бара 70.000.000 евра, Челзи досега понуди максимум 57.000.000, но се верува дека Германците ќе се согласат на намалување и ќе прифатат ако „сините“ испратат барем уште 10.000.000 евра.
Симонс треба да биде опција на левото крило покрај Џејми Гитенс, но и како конкуренција за Кол Палмер.