Регион
Косово бара меѓународната заедница да истражи дали Србија продава оружје на терористи

Косовското министерство за надворешни работи изрази вознемиреност поради, како што велат, извештаите за тоа дека оружје произведено во Србија завршувало во рацете на терористи.
Како што се наведува во соопштението, вознемиреноста ја предизвикало објавувањето на докази од странски меѓународни организации, како што е „Амнести Интернешнал“ дека оружјето што се произведува во Србија продолжува да се користи од страна на некои африкански земји, меѓу кои и припадниците на терористичката организација „Боко Харам“.
Во соопштението на косовското министерство, се повикува меѓународната заедница да ја зголеми контролата и да го надгледува однесувањето на српската држава на африканскиот континент, што на посреден начин придонесува кон газење на елементарните човекови права и претставува сериозна опасност за мирот и сигурноста.
Министерството оценува дека Србија ги користи продажбата и подарувањето на оружје како средство за спротивставување на признавањето на косовската независност.
„МНР смета дека објавувањето на таквите докази (од страна на АИ) го јакне убедувањето дека Србија ја користела и продолжува да ја користи продажбата на оружје како дипломатско средство за да ги наведе државите од африканскиот континент кои се уште ја немаат признаено Република Косово, да не преземат таков чекор во иднина“, се наведува во соопштението на косовското МНР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Регион
Вучиќ е во посета на Украина

Српскиот претседател Александар Вучиќ денес ќе ја посети Украина, што е прва посета на лидерот на земјата која одржува срдечни односи со Москва од почетокот на војната во февруари 2022 година, објави претседателството во соопштение.
„Претседателот на Република Србија ќе ја посети Украина еден ден во среда, 11 јуни, каде што ќе учествува на самитот Украина-Југоисточна Европа“, објави српското претседателство.
Српскиот шеф на државата не ја посетил Украина од почетокот на руската инвазија во февруари 2022 година.
Посетата доаѓа неколку дена откако Русија ги обвини српските компании за оружје дека се обидуваат да „забијат нож во грб“ на Москва со продажба на муниција на Украина.
Присуството на српска муниција во Украина никогаш не е јавно признато или целосно негирано. Неколку недели претходно, Александар Вучиќ, кој балансира помеѓу својот историски сојузник Русија и својата желба да се приклучи на Европската Унија, беше на Црвениот плоштад во Москва за да ја прослави 80-годишнината од поразот на нацистичка Германија.