Македонија
Битолската чаршија пулсираше во звуците на староградската музика
По фоклорните настапи на ансамблите на ракометното игралиште, претпоследната фестивалска вечер во рамките на годинешното, 48. по ред издание на фестивалот „Илинденски денови“ се одржа во старата Битолска чаршија. Присутните уживаа во стагорадските песни од кои им навираа спомените за животот во Битола што се одвиваше низ сокаците во чаршијата.
На плоштадот пред „Малиот битолски монмартр“, синоќа посетителите уживаа во староградските мелоси и игри на КУД „Пензионер“ од Прилеп, пејачката група „Весела тајфа“ од Богданци, староградската пејачка група „Сирма Војвода“ од Битола, КУД „Далги“ од Охрид, вокално-инструменталниот состав „Орнамент“ од Штип, КУД „Васил Хаџиманов“ – Кавадарци, пејачката група „Распеани штипјани“, октетот „Прилеп“ и ансамблот „Македонија“ од Скопјe.
Денес, на последниот фестивалски ден, по обичај, се очекува многу публика во античкиот локалитет Хераклеа во Битола. Традиционално, ќе се одржи интернационалната фолкорна разгледница, на која ќе учествуваат групи од Јапонија, Грција, Полска, Шпанија и Северен Кипар, а кои ќе настапат во чест на фестивалските победници. Како круна на 48. издание на фестивалот „Илинденски денови“ е концертот на Виолета Томовска и групата „Фонтана“ со нивните гости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а по должината на Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има сѐ до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.