Македонија
Адеми: Ќе се гради ново училиште во Студеничани и ќе се санираат седум други училишта
Министерството за образование и наука продолжува континуирано да инвестира во унапредувањето на образовната инфраструктура, а заради непречена и квалитетна реализација на воспитно образовниот процес. Ова го истакна министерот за образование и наука, Арбер Адеми, на презентацијата на капиталните инвестиции во образованието.
Како поприоритетни, ги издвои активностите за изградба на нов училишен објект во општина Студеничани, во кој настава ќе можат да следат 300 ученици од населените места Батинци и Љубош. За оваа намена во тек е јавна набавка, а издвоени се 55,4 милиони денари. Министерот за образование и наука информираше и дека Министерството планира темелна реконструкција на подрачниот училишен објект на ОУ „11 Октомври” во Ново Село во општина Боговиње, кој целосно изгоре во пожар на крајот од минатата 2017 година. „Во моментов, Комисијата за јавни набавки при МОН врши евалуација на пристигнатите понуди по однос на тендерот за изработка на техничката документација, по што, веднаш по изборот на најповолната, ќе пристапиме и кон објава на тендер за избор на градежна компанија што ќе ги реализира градежните активности на терен“, рече Адеми, додавајќи дека согласно со очекувањата, објектот ќе биде ставен во функција на почетокот на второто полугодие од новата учебна година.
Паралелно, како што информираше Адеми, во тек е и јавна набавка која предвидува санациони и реконструктивни активности во седум училишни објекти за кои има подготвена техничка документација. Инвестицијата е во вкупна вредност од речиси 78 милиони денари. Предвидено е реконструксија на ПОУ „Димката Ангелов – Габерот“ во с. Прждево, општина Демир Капија; ученичкиот дом во состав на СОУ,,Кочо Рацин“ во општина Свети Николе; ОУ„Јосип Броз Тито“ во с. Радожда општина Струга; ОУ „Единство“ во струшко Октиси; СОУ ,,Ѓошо Викентиев“ во општина Кочани; СУ ,,Гостивар“ во општина Гостивар; ОУ „Васил Главинов“, во општина Чаир. Министерот Адеми додаде дека во текот на септември годинава се очекува да завршат активностите за реконструкција на блоковите В и Г во студентскиот дом „Гоце Делчев“ во Скопје за што се инвестираат 162 милиони денати, а дополнително за август најави и отпочнување на постапка за набавка на нов мебел во 18 ученички домови во земјата за што се издвоени 50 милиони денари.
По однос на изградбата на училишните спортски сали, рече дека до септември ќе биде завршена изградбата на 4 објекти (СОУ ,,Перо Наков“ – Куманово, ОУ ,,Тодор Хаџи Тефов“ – Кавадарци, ОУ ,,Мустафа Ататурк“ – Гостивар и ОУ ,,Сабедин Бајрами,, с.Камењане), додека во тек се и активности за изградба на спортските сали во Чашка, Виница, Јосифово, Черкези, Шипковица и Лабуниште и истите ќе бидат готови следната календарска година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Нормализиран сообраќајот на патот Битола – Новаци
Сообраќајот на регионалниот пат Битола – Новаци е нормализиран, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
(Видео) Лефков: Георгиев и Мемети се дел од правосуден октопод, кои, наместо да гонат криминал, се занимавале со криминал
Апсењето на врховниот судија Наке Георгиев за земање мито од 10 илјади евра е само уште една потврда дека Македонија со власта на СДС и ДУИ ниту била правна држава, а уште помалку европска.
Судијата, кој целата своја судиска кариера и унапредување ги добива во време на владеењето на СДС, вчера беше фатен на дело како зел поткуп во замена за олеснителни околности во постапката што се води против ексградоначалникот на Ново Село, Боро Стојчев, истакна на прес-конференција Миле Лефков, член на ИК на ВМРО-ДПМНЕ.
Георгиев, како што појасни Лефков, станал судија во 1997, па бил избран за судија во Апелациониот суд во 2004, па врховен судија во 2020 година, а потоа беше контроверзно избран и за член на Судскиот совет, па потоа уште поконтроверзно се повлече за да може син му да биде избран за судија во Кривичниот суд.
„Неговото апсење го покажа целиот сјај на бедата во која СДС и ДУИ го доведоа правосудството во Македонија.
Наместо правдата, владееле криминалот и корупцијата, а ликови како Георгиев, наместо да се борат против престапниците, самите го прекршувале законот за имотна корист“, додаде тој.
„Но тоа не е сè. Да биде срамна сликата за македонското правосудство целосна, постои основан сомнеж дека и јавен обвинител бил дел од оваа афера.
Имено, извршен е претрес и во домот на членот на Советот на обвинителите, Иџет Мемети, и претрес во службените простории на Советот на јавните обвинители по основано сомнение дека тој заедно со Наке Георгиев ја злоупотребил својата позиција и барал мито за истиот случај како и врховниот судија во замена за олеснителни околности во судската постапка.
И Мемети, како и Георгиев, тесно се поврзува со претходната власт, односно важи за исклучително близок за ДУИ. Својата кариера ја почнува кога оваа партија доаѓа на власт и извршува високи функции од правобранител, министер за правда, уставен судија, па до член на Советот на јавните обвинители.
Ова е судски октопод. Во судскиот систем владее организирана банда, која тргува со правдата и која наместо по словото на законот, работи по словото на парите“, потенцира Лефков.
Повика надлежните институции да го истражат целиот овој случај и многу други бидејќи, како што рече, оценуваат дека корупцијата во судството не завршува само со Георгиев и Мемети, туку пипалата се многу поголеми и подлабоки, од основни, апелациски судови и обвинителства, па сè до високи политички позиции на власта на СДС и ДУи во заминување.
„Без правна држава, нема Европска Унија. Без владеење на правото, нема ниту напредок ниту подобар живот во Македонија.
Со корупцијата мора да има силна и одлучна борба и никој не смее да биде заштитен или амнестиран.
Доаѓа времето на одговорност“, дециден е Лефков.
Македонија
Тошковски во посета на Секторот за компјутерски криминал и Одделот за прекршоци: во фокусот задржување на постојниот и привлекување нов кадар
Министерот за внатрешни работи, Панче Тошковски, денес, оствари работни посети во Секторот за компјутерски криминал и Одделот за прекршоци, каде што одржа работни состаноци со раководствата на овие организациски единици на Министерството.
Секторот за компјутерски криминал има специфичен делокруг на работа и постапува по неколку кривични дела, како што се загрозување на сигурноста по пат на информатички систем, злоупотреба на лични податоци, прикажување порнографски материјал на малолетник, производство и дистрибуција на детска порнографија, намамување за обљуба или друго полово дејство на малолетник кој не наполнил 14 години и други.
„Имајќи ги предвид квалификациите што се потребни за кадарот што работи во овој сектор и конкуренцијата на пазарот на труд, потребно е најбргу што може да се преземат соодветни мерки, со цел задржување на постојниот и привлекување нов кадар во овој дел.
Во однос на Одделот за прекршоци, исто така има недостиг на соодветен кадар, кој треба да исполнува посебни услови во согласност со Законот за прекршоците за ефикасно извршување на големиот обем на работа што го имаат. Во иднина треба да се размислува за олеснување на процедурите во делот на прекрошочната постапка, дигитализација и користење на бенефитите што ги нудат современите софтверски решенија“, истакна Тошковски.