Црна хроника
Жена изгоре во пожар во Велес, три куќи пеплосани
Жена изгоре во пожар што избувна во понеделник околу полноќ на улица „Ѓоре Органџиев“ во центарот на Велес, две куќи се пеплосани, а огнот зафатил и трета куќа во која изгорела внатрешноста.
Огнот почнал да се шири од една од куќите во горниот и долниот кат. Пожарникарите успеале од долниот кат да извлечат шеснаесетгодишно момче кое имало знаци на труење од чад, но не успеале да ја спасат седумдесет и четиригодишната старица Јелица Б. која се наоѓала на горниот кат.Скалите од куќата се урнале и пожарникарите не успеале да стигнат до жената.Куќата во која избувнал пожарот изгорела целосно, а огнот ја зафатил и соседната куќа, а зафатена е и третата соседна куќа во која имало текстилна работилница. Во неа изгорела целата внатрешност на куќата.При гаснењето на пожарот повредени се три лица кои се обидувале да изнесат боца со CO2 која се наоѓала во една од куќите. Боцата ја изнесувале командирот на противпожарната единица и двајца граѓани кои учествувале во гаснењето на пожарот, но им експлодирала во раце.Повредените се пренесени во Медицинскиот центар во Велес, а полицијата и пожарникарите сè уште се на терен, за да се изврши увид и да се утврдат причините за пожарот./крај/мф
Извор: Фото:Дума
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.