Спорт
Куртоа го бакна грбот на Реал и призна: Никогаш не сум го направил ова
Тибо Куртоа беше претставен како нов голман на Реал Мадрид пред околу 2.000 фанови на „Сантијаго Бернабеу“, по што изјави дека ова е остварување на неговиот сон од детството, за да го бакне грбот на дресот и да признае дека никогаш не го направил тоа.
…
Тибо Куртоа беше претставен како нов голман на Реал Мадрид пред речиси 2.000 фана на „Сантијаго Бернабеу“ по што изјави дека ова е остварување на неговиот сон од детството за да го бакне грбот на дресот и да признае дека никогаш не го направил тоа.
„Денеска го остварувам сонот од детството и сите што ме познаваат знаат дека направив сè за да дојдам тука. Сакам да му се заблагодарам на Реал Мадрид за тоа што ме донесе и ми го оствари сонот. Ова е најдобриот клуб на светот. Јас сум Мадридиста и сакам да кажам ’Хала Мадрид’. Имав и други понуди, некои подобри економски за мене, но кога слушнав дека има интерес од Мадрид, немав сомнеж каде сакам да завршам“, изјави Куртоа менувајќи ја приказната пред фановите на Челси на кои им изјавуваше дека сака трансфер само за да биде поблиску до своите две деца, кои живеат со мајка им во Шпанија.
Куртоа исто така изјави дека имал само еден голман што го почитувал во кариерата.
„Секогаш бев фасциниран од Реал Мадрид поради Икер Касилјас. Тој ми беше омилениот фудбалер во детството. Имаше неверојатни рефлекси“, додава Куртоа.
Thibaut Courtois kisses the Real Madrid badge at the Bernabeu.
How you feeling, Chelsea and Atletico fans? pic.twitter.com/H6MDBL4ptv
— ESPN FC (@ESPNFC) August 9, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.