Спорт
Продолжуваат лудориите на Јан Улрих – нападнал проститутка во Франкфурт
Поранешниот шампион од Тур де Франс, Јан Улрих е уапсен за напад на проститутка во Франкфурт, уште еден неславен момент на еднаш големиот спортист.
„Тој е во притвор, а при апсењето бил под дејство на алкохол и дроги“, изјави полицискиот портпарол за „…
Поранешниот шампион од Тур де Франс, Јан Улрих е уапсен за напад на проститутка во Франкфурт, уште еден неславен момент на еднаш големиот спортист.
„Тој е во притвор, а при апсењето бил под дејство на алкохол и дроги“, изјави полицискиот портпарол за „АФП“.
44-годишниот Германец, кој ја освои славната трка во 1997 година, беше уапсен и минатиот петок на Мајорка откако прескокна ограда на својот сосед и му се закануваше, за што се правдаше дека сакал само да разговара со соседот. Соседот бил германскиот актер и режисер, Тил Швајгер, актер во филмот на Квентин Тарантино „Неславни копилиња“, кој откри дека нема да го тужи својот „добар пријател“.
Инцидентот во Франкфурт пак се случил во луксузен хотел, каде што Улрих се расправал со проституката по што ја нападал и ја повредил.
Неодамна, во интервју за германскиот магазин „Билд“, Улрих призна дека е во „депресија“ по разделбата со својата сопруга и изјави добива психијатриска помош по проблемите со дрогата и алкохолот.
Кариерата на Германецот исто така беше контроверзна, со голем број обвинувања за допингување. Тој останува единствен Германец со титула на Тур де Франс, а освои злато и на уличната трка и сребро во трката на хронометар на Олимпијадата во Сиднеј во 2000 година. Во 2013 година тој призна дека се допингувал и доби двегодишна суспензија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.
Спорт
(Видео) Баер без пораз ја заврши сезоната, дебакл на Баерн Минхен, Унион Берлин се спаси од испаѓање
Заврши сезоната 2023/2024 во Бундес лигата. Последното 34. коло го даде конечниот одговор на сите непознати. Најдраматично беше во борбата за опстанок, покрај Дармштад од лигата испадна Келн, а Бохум ќе игра бараж за опстанок против Фортуна Диселдорф. Унион Берлин на волшебен начин се спаси, победи против Фрајбург со 2:1 и покрај тоа што голманот на Франјбург одбрани два пенали. На табелата зад Баер Леверкузен заврши Штутгарт, а Баерн Минхен лошата сезона ја заврши со пораз кај Хофенхајм.
Унион Берлин сезонава играше во Лигата на шампионите, а во Бундес лигата едвај се спаси од испаѓање. Со победата над Фрајбург од 2:1, Унион го избегна баражот за опстанок. Фрајбург со овој пораз остана без место во европските купови и тажно се прости од тренерот Кристијан Штрајх (тој беше тренер на првиот тим од 2011 година).
Унион промаши два пенали но по вториот (го изведе Фоланд во 90+3. минута), Јаник Хаберер налета на топката трча и го постигна голот за опстанок.
Новиот шампион Баер Леверкузен ја заврши сезоната во голем стил, без ниту еден пораз. „Фармацевтите“ го пречекааа Аугсбург и победија со 2:1. Тоа беше 28-та победа во една незаборавна сезона, со шест ремија за тимот на Чаби Алонсо.
Финалистот во Лигата на шампионите, Борусија Дортмунд, убедливо го совлада одамна отпишаниот Дармштад, а капитенот Марко Ројс го постигна прошталниот гол на „Вестфален“.
.
И Штутгарт одигра сезона за паметење. „Швабите“ убедливо славеа над Борусија Менхенгладбах (4:0). Два гола постигна фантастичниот Гираси.
Баерн и во последното коло ги разочата своите навивачи и покрај тоа што кај Хофенхајм по само шест минути водеше со 0:2.
Баерн во второто полувреме со хет-трик го нокаутира хрватскиот напаѓач Андреј Крамариќ. Два од трите гола Крамариќ постигна по лошите рекции на Мануел Ноер.