Спорт
Меси стана капитен на Барселона
Лионел Меси е именуван за нов капитен на Барселона по заминувањето на Андрес Иниеста од „Ноу Камп“, а новата лидерска група ја сочинува заедно со Серхио Бускетс, Жерард Пике и Сержи Роберто.
Меси, кој веќе е капитен на аргентинската репрезентација, ја …
Лионел Меси е именуван за нов капитен на Барселона по заминувањето на Андрес Иниеста од „Ноу Камп“, а новата лидерска група ја сочинува заедно со Серхио Бускетс, Жерард Пике и Сержи Роберто.
Меси, кој веќе е капитен на аргентинската репрезентација, ја добива честа по заминувањето на Иниеста во Висел Кобе, иако и претходно повеќе пати ја носеше капитенската лента откако во 2015 година стана официјален вице-капитен, улога која сега ќе ја има Бускетс.
Меси ќе оди на прва титула со Барса како капитен веќе во недела, кога тимот на Ернесто Валверде игра со Севилја во шпанскиот Суперкуп. Минатата сезона, Барселона загуби само еден меч при освојувањето на Ла лига, а го освои и Копа дел Реј, иако потфрли во ЛШ, каде што загуби во четврт-финалето од Рома.
?? Cuatro capitanes de la cantera
1⃣ Messi
2⃣ Sergio
3⃣ @3gerardpique
4⃣ @SergiRoberto10https://t.co/QjxGiBEp40— FC Barcelona (@FCBarcelona_es) August 10, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…