Црна хроника
Мајката која го фрли синот ќе оди на психијатриско лекување
Мајката која во ноември го фрли својот шестгодишен син од зграда во скопската населба Хиподром ќе оди на задолжително психијатриско лекување и чување во здравствена установа.
Ваков предлог доставил надлежниот јавен обвинител од јавното обвинителство во Скопје согледувајќи ги наодите од психијатриското вештачење на состојбата на мaјката во која се наоѓала во моментот на инцидентот и сега.Мајката го фрли, својот шестгодишен син од четврти кат од нивниот дом, а потоа и самата се фрли од зградата. Детето го дочекаат доле неговиот татко и нивни сосед, но при падот удри во метална шипка за сушење алишта на подолните катови и се здоби со тешки повреди на главата. Со тешки повреди се здоби и мајката, но и двајцата ја преживеаја несреќата./крај/мф
Извор: Фото: Утрински весник
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.