Спорт
Светот го има „новиот Бубка“! Тинејџерот Дуплантис скокна 6.05 метри (видео)
Шведскиот тинејџер Грег Дуплантис скокна фантастични 6.05 метри (јуниорски светски рекорд) за да го освои златото во скок со стап на Европското првенство во Берлин и да го победи својот идол од детството, светскиот рекордер, Французинот Рену Лавилени.
…
Шведскиот тинејџер Грег Дуплантис скокна фантастични 6.05 метри (јуниорски светски рекорд) за да го освои златото во скок со стап на Европското првенство во Берлин и да го победи својот идол од детството, светскиот рекордер, Французинот Рену Лавилени.
18-годишниот Дуплантис првпат во животот ја мина границата од 6 метри, а потоа отиде уште пет сантиметри повисоко за неверојатен скок, кој сигурно отиде над границата од 6.15 метри. Русинот Тимур Моргунов (под неутрално знаме) скокна 6 метри за сребрен медал, додека Лавилени скокна 5.95 за бронза по што го пофали шведскиот скокач со прекар „Мондо“.
„Не ми се верува на очите, ова е најдоброто финале во кое сум бил. Мондо е неверојатен скокач. Лудо!“, изјави Лавилени.
‘This is staggering!’
Armand Duplantis just set a new world junior record of 6.05m.
He is 18!
Will be break the world record? Tune into Eurosport 1 to find out! pic.twitter.com/CYuEjOh0EF
— Eurosport UK (@Eurosport_UK) August 12, 2018
ЕП АТЛЕТИКА, БЕРЛИН
МАРАТОН (Ж)
1.Волха Мазуронак (Блр) 2:26:22
2.Клеменс Калвин (Фра) 2:26:28
3.Ева Врабцова-Нивлтова (Чеш) 2:26:31
МАРАТОН (М)
1.Коен Наерт (Бел) 2:09:51
2.Тадесе Абрахам (Шва) 2:11:24
3.Јасине Рачик (Ита) 2:12:09
СКОК СО СТАП (М)
1.Арманд Дуплантис (Шве) 6.05 м
2.Тимур Мургинов (Рус) 6.00 м
3.Рену Лавилени (Фра) 5.95 м
ФРЛАЊЕ КЛАДИВО (Ж)
1.Анита Влодарчик (Пол) 78.94 м
2.Александра Таверние (Фра) 74.78 м
3.Јоана Фјодоров (Пол) 74.00 м
ТРИСКОК (М)
1.Нелсон Евора (Пор) 17.10 м
2.Алексис Копело (Азе) 16.93 м
3.Димитриос Циамис (Грц) 16.78 м
1.500 МЕТРИ (Ж)
1.Лора Мјуир (Бри) 4:02.32
2.Софија Енауи (Пол) 4:03.08
3.Лора Вајтман (Бри) 4:03.75
5.000 МЕТРИ (Ж)
1.Сифан Хасан (Хол) 14:46.12
2.Ајлиш Меккоглан (Бри) 14:53.05
3.Јасемин Џан (Тур) 14:57.63
3.000 МЕТРИ СТИПЛЧЕЗ (Ж)
1.Геса-Фелиситас Краусе (Гер) 9:19.80
2.Фабиен Шлумф (Гер) 9:22.29
3.Каролине Бјеркели Гревдал (Нор) 9:24.46
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).