Европа
Москва: Санкциите на ЕУ се на штета на соработката во безбедноста
Европската унија со воведувањето на новите насочени секторски санкции против Русија и со вклучување на уште 15 руски високи функционери на ткн ’црна листа’, всушност ја загрозува меѓународната безбедносна соработка, оцени во саботата руското министерство за надворешни работи, остро критикувајќи ја ЕУ како исполнувач на желбите на САД.
Европската унија со воведувањето на новите насочени секторски санкции против Русија и со вклучување на уште 15 руски високи функционери на ткн ’црна листа’, всушност ја загрозува меѓународната безбедносна соработка, оцени во саботата руското министерство за надворешни работи, остро критикувајќи ја ЕУ како исполнувач на желбите на САД.
„Уште еднаш одејќи му на рака на Вашингтон во поглед на дополнителните антируски санкции, Европската унија во улога на ’подофицерска вдовица’ (термин за омаловажување), фактички ја загрозува меѓународната соработка во областа на безбедноста“, се истакнува во изјавата на руската дипломатија.
Од министерството за надворешни работи на Руската Федерација, исто така, истакнуваат дека дополнителната листа за санкции „е директно сведоштво дека земјите членки на ЕУ го прифатиле курсот на целосно прекинување на соработката со Русија по прашањата на меѓународната и регионалната безбедност, вклучително и во борбата против распространувањето на оружјата за масовно уништување, тероризмот, организираниот криминал и другите видови нови предизвици и закани“.
На проширениот список санкции, во смисла на замрзнување на активите и забрана за издавање влезни визи, ЕУ стави уште 15 лица од Русија, меѓу кои и директорот на Федералната служба за безбедност (ФСБ), Александар Бортников, директорот на Службата за надворешно разузнавање на Русија, Михаил Фрадков, секретарот на Советот за безбедност на Русија, Николај Патрушев, претседателот на Чеченската Република, Рамзан Кадиров, гувернерот на Кубан, Алексадар Ткачев итн… Претходно ЕУ соопшти дека лицата ставени под санкциите се сметаат за одговорни за поткопувањето на територијалниот интегритет на Украина.
„Убедени сме дека таквите одлуки со многу ентузијазам ќе бидат дочекани од страна на меѓународната терористичка интернационала. Тоа што не им успеа во текот на последната деценија, да се забие клинец во светската заедница, со многу леснотија го направи Брисел. И токму Брисел ја презема врз себе целата одговорноста за овој чекор, направен во период кога има остро нарушување на меѓународната ситуација, вклучително во Авганистан, на Блискиот и на Средниот исток, Северна Африка и на други места во светот“, се вели уште во соопштението на руската дипломатија што го цитира РИА Новости.
„Истовремено ЕУ конечно наседна на ’иглата’ на Вашингтон и киевските приказни во однос на случувањата во Украина, лишувајќи се себеси од алтернативен, и притоа пообјективен, извор на информации. Дали разбираат во престолнините на Европската унија, до што можат да доведат овие неодговорни потези, без разлика дали станува збор за политичката или економската сфера“, заклучува министерството за надворешни работи на Русија.
Пакетот санкции подготвен од Европската комисија, кој ноќта кон саботата го најави претседателот на Комисијата, Жозе Мануел Баросо, според дипломатски извори од Брисел, вклучува и времено ограничување на достапот на Русија до одредени видови финансиски и банкарски услуги, склучување нови договори во сферата на одбраната и продажба на технологии со двојна намена, иновациски технологии, како и забрана за продажба на нови технологии и хај-тек опрема во сферата на производството и испораката на нафта и гас. Во меѓувреме токму санкционирањето на сферата на гасот предизвика бројни приговори на последното заседание на Комитетот на ЕУ на ниво на постојани претставници на земјите членки, бидејќи многу од нив се многу зависни од испораките на рускиот гас, а на ниво на целата Унија тоа се движи од најмалку третина од севкупните потреби.
Баросо истакна притоа дека „се очекува конечната одлука на земјите членки на Европската унија“. „Се надевам дека земјите членки ќе постигнат согласноста за овој пакет рестриктивни мерки следната седмица“, изјави претседателот на Европската комисија.
Како што се истакнува уште во соопштението, Комитетот на постојаните претставници (амбасадори) на земјите членки на Европската унија (Coreper) ќе разговараат за овој предлог на средбата на 29-ти јули, вторник./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.