Македонија
По објавата на ,,Макфакс”, Министерството за здравство уште утре ќе распише тендер за набавка на инсулин
По објавата на ,,Макфакс” за недостиг на инсулин во државата, Министерството за здравство одлучи уште утре да распише тендер за набавка на инсулин. И покрај сведочењата на лицата со дијабетес дека во аптеките нема доволно инсулин, од Министерството сепак тврдат дека нема да има инсулинска криза, односно дека има доволно залихи од лекот за дијабетичарите.
Останува отворено прашањето зошто Министерството за здравство воопшто чекало до сега за да го распише тендерот и дали повторно станува збор за некакви калкулации околу набавките на инсулинот.
,,Во врска со објавата дека на повидок е нова инсулинска криза, Министерството за здравство ги демантира дезинформациите за недостиг на залихи и негрижа кон пациенти. Имено, тендерот за набавка на инсулин ќе биде распишан веќе утре, додека сите подготвителни процеси за истиот се веќе завршени, а целата постапка е навремена и соодветно испланирана. За пациентите на инсулинска терапија, со новиот тендер ќе обезбедиме квалитетни инструменти и квалитетен инсулин.
Моментално залихи во инсулинските аптеки има доволно. Доколку во некоја инсулинска аптека има недостиг на инсулин, истиот може да се добие во најблиската друга инсулинска аптека. Министерството за здравство се грижи пациентите во континуитет да се снабдуваат со инсулин во соодветни рокови, воедно и ги работи плановите за распределба врз основа на потребите на населението.
Дезинформациите во кои се инсинуира можно трошење на залихите, создаваат паники во јавноста и се многу штетни за здравјето на пациентите кои се на инсулинска терапија. Министерството за здравство ви стои како и секогаш на располагање за обезбедување точни и проверени информации, кои се од интерес на јавноста и пациентите, а се поврзани со нашата работа”, се вели во реакцијата од Министерството за здравство.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Не коментирам пораки од Мицотакис, и ние и соседите би можеле да се однесуваме пријателски, да бидеме малку скандинавци, порача претседателката Силјановска – Давкова
Претседателката Гордана Силјановска-Давкова не сака да ги коментира најавите за вето од грчкиот премиер Киријакос Мицотакис за евроинтеграција на земјава, но смета дека и ние и соседите може да се однесуваме поинаку. Одговарајќи на новинарско прашање денес на одбележувањето на Денот на Европа, претседателката Силјановска-Давкова рече дека во Преспанскиот договор има механизми, почнувајќи од укажување па се до обраќање до генералниот секретар на Обединетите нации како и можност за постапка пред Меѓународниот суд на правдата за непочитување на договорот. Претседателката потсети дека тоа е истиот суд чија пресуда Грција не почитуваше, но сепак е механизам што постои и е гарантиран за секоја членка.
„Јас не можам да го спречам во тоа. Преспанскиот договор е точно дека е дел од преговарачката рамка, но не мислам дека тоа е во духот на развивањето на пријателските односи. Јас мислам дека и во традиционалната дипломатија можеби е добро да погледнеме, да фрлиме поглед врз културната дипломатија. Таму на поинаков начин ги решаваат проблемите. Мислам дека и ние со соседите би можеле, во пријателски дух, да се обидеме да се однесуваме на поинаков начин. И денеска тоа го кажав, малку да бидеме скандинавци“, рече претседателката Силјановска-Давкова.
Грчкиот премиер Мицотакис во неколку наврати во јавните настапи во Грција укажа на дека европскиот пат на нашата земја минува низ Грција и може да биде затворен ако не се почитува Преспанскиот договор.
„Кога некој го влече јажето, ќе треба да биде подготвен да се скине. И ако отстапува од договорениот тек, да знае дека ќе наиде на затворен пат кон Европа. Пат кој поминува од Грција и почитувањето на меѓународното право“, рече грачкиот премиер Мицотакис откако претседателката Силјановска – Давкова, давајќи заклетва во Собранието, не ги изусти зборовите Република и Северна туку кажа само Македонија.
Македонија
Македонија е мала држава, но мислам дека заслужува да биде почитувана како и сите останати: Сиљановска Давкова за македонско-бугарското прашање
Претседателката Гордана Сиљановска Давкова порача дека и за нас треба да важат истите критериуми за влез во ЕУ како и за дригите земји.
Според неа, Европската Унија е единство на различности, а ние како мала земја заслужуваме да бидеме почитувани како и сите останати.
Претседателката со реакција дека нејзиното барање за гаранции од италијанскиот претседател Серџо Матарела за нашиот пат во Европската Унија, дадено за време на посетата на Ватикан, била „формулација што не беше баш како што треба пренесена“.
„Прво да ви кажам дека тоа е една формулација што не беше пренесена баш како што треба. Кога јас зборував за гаранции со господинот Матарела миселв на оние кои што посегаат по вето. Мислев, пред се, дека ако ние веќе не знам колку пати сме го менувале Уставот и повторно сме се соочувале со нова промена. Крајно време е да знаеме дека ова што ќе се случува од страна на Бугарија е барање со кое може да се остави простор за вето врзано за Копенхашките критериуми меѓутоа не за прашања што се врзани за идентитет, за историја“, потенцира претседателката.
„Впрочем јас денеска немам прилика но и во договорот за ЕУ, особено во преамбулата, и во Лисабонскиот договор и во Повелбата за фундаменталните права, јасно е посочено дека ЕУ е единство на различности и дека ги прифаќа идентитетот, интегритетот, особено културниот и националниот идентитет, како нешта за кои не се разговара. Ние во поглед на многу прашања и многу критериуми сме биле исклучок. Крајно време е да се стави крај на тоа. Ние сме мала држава но мислам дека заслужува да биде почитувана како сите останати“, децидна е Сиљановска Давкова.
Македонија
Можно е и порано да се додели мандатот за состав на новата влада, најави Сиљановска Давкова
Можно е и порано да се додели мандатот се зависи од ситуацијата, вели претседателката Гордана Сиљановска Давкова која појасни дека не ја исклучува можноста пред завршувањето на последниот рок да го додели мандатот за состав на новата влада.
„Се зависи од ситуацијата. Уставот вели 10 дена и потоа 20 дена за да се состави владата. Јас ќе ги проучам термините“, додаде таа.
Прашана за коментар за обвинувањата на Европскиот фронт за мајоризација над малцинството, рече дека тоа апсолутно не држи.
„Тоа обвинување не држи. Не разбирам што значи тоа мајоризација над малцинството. Нема такво нешто. На изборите има еден победник.
Секогаш нашите влади од првата во 90-тите години од минатиот век, па до денеска биле мултиетнички затоа не можам да забележам мајоризација“, истакна таа.
Според неа, изборот на владата се прави според идеолошката определба, според програмските определби и според наоѓањето со кого би постигнале најдобри реформски резултати.
„Логично е некогаш да бидете власт, а некогаш да бидете опозиција. Опасно е да бидете секогаш власт. Власта оптоварува, а апсолутната власт – апсолутно, и затоа време е за промени“, потенцира Сиљановска Давкова.