НБА франшизата Лос Анџелес Лејкерс наскоро ќе биде продадена, а вредноста се проценува на 10 милијарди долари.

Неверојатни и неочекувани вести доаѓаат од НБА инсајдерот Шамс Чаранија, кој објави дека семејството Бас одлучило да го продаде својот мнозински удел во Лос Анџелес Лејкерс.

Семејството Бас ќе ги продаде Лејкерс на Марк Волтер, извршен директор и претседател на холдинг компанијата „TWG Global“.

Според Чаранија, вредноста на Лејкерс, во сопственост на семејството Бас, се проценува на 10 милијарди долари, што значи дека ова ќе биде убедливо најпрофитабилната продажба на спортски тим во историјата.

Џини Бас ќе остане гувернер на Лејкерс дури и по продажбата.

Ова значи дека семејството Бас нема да биде мнозински сопственик на Лејкерс за прв пат од 1979 година, кога Џери Бас ја купи франшизата од Џек Кент Кук за 67,5 милиони долари.

Лејкерс беа преземени од неговите деца кога тој почина во 2013 година, а сега е време да се продаде франшизата што освои 17 НБА шампионати.

Новиот мнозински сопственик Марк Волтер е малцински сопственик на Лејкерси од 2021 година и има удели во разни спортски организации, како што се Доџерс (бејзбол), Спаркс (женска НБА), Купот на Били Џин Кинг (тенис), Кадилак тим (Ф1) и Женската хокеарска лига.

Реал Мадрид и Ал Хилал, на „Хард Рок“ стадионот во Мајами, одиграа 1:1 во првиот натпревар во Х групата, на Светското клупско првенство. За Реал, поради болест не играше Килијан Мбапе, а дебитираа тренерот Чаби Алонсо, Хујсен и Александер-Арнолд. Голманот на Ал Хилал, Боно го обележа натпреварот, му одбрани пенал на валверде во 92.минута.

„Кралскиот клуб“ и Ал Хилал го одиграа најдобриот натпревар во досегашниот тек од клупскиот Мундијал. Двата тима пропуштија неколку добри шанси, на крајот ремито е најреален резултат.

Реал поведе во 34-та минута по одлична тимска акција и голот на Гонзало Гарсија, но Саудијците израмнија седум минути подоцна, откако Рубен Невеш прецизно погоди од пенал.

Реал доби дискутабилен пенал во 92-та минута, но ударот на Федерико Валверде го одбрани Боно.

PENAL PARA EL MADRID

El colegiado lo pita tras ir a verlo al VAR 🖥️@FIFACWC | Todos los partidos gratis en https://t.co/yWCWbevPop | #FIFACWC #TakeItToTheWorld pic.twitter.com/4Wk3X1t0GW

— DAZN Fútbol (@DAZNFutbol) June 18, 2025

Пачука и Салцбург играат во вториот натпревар од групата вечерва од полноќ по македонско време.

Реал ќе игра во второто коло против Пачука, а натпреварот е закажан за недела во 21:00 часот. Ал-Хилал и Салцбург ќе се натпреваруваат во ноќта од недела кон понеделник од полноќ.

Михајло Мудрик, крилниот напаѓач на Челзи, е обвинет од Англиската фудбалска асоцијација (ФА) за прекршување на прописите за допинг и сега се соочува со долгорочна суспензија. Според правилата на ФА, Мудрик може да биде суспендиран до четири години откако минатата година дал позитивен примерок „А“, за кој се верува дека ја содржи забранетата супстанца за подобрување на перформансите, мелдониум.

„Дејли мејл“, претходно оваа година објави дека нелегалната супстанца мелдониум што ја користеле советските супер војници била пронајдена во крвта на еден Украинец. Станува збор за еден тон супстанци што биле увезени во Русија за потребите на руската армија, а низ историјата руските спортисти биле обвинети за користење на оваа дрога.

Мудрик беше привремено суспендиран додека тој и Челзи ги чекаа резултатите од примерокот „Б“, а ФА сега потврди дека е обвинет.

„Можеме да потврдиме дека Михајло Мудрик е обвинет за прекршување на антидопинг правилото, поради присуство и/или употреба на забранета супстанца, во согласност со Правилата 3 и 4 од антидопинг прописите на ФА. Бидејќи случајот е сè уште во тек, во моментов не сме во можност да коментираме понатаму“, изјави портпаролот на ФА за „Телеграф“.

Мудрик ја ангажираше адвокатската канцеларија „Морган Спортс Ло“, да го застапува во овој случај, а Челзи исто така го поддржува. Истата фирма претходно ја застапуваше поранешната ѕвезда на Јувентус, Пол Погба, во неговата жалба против четиригодишната суспензија за допинг, која подоцна беше намалена на 18 месеци од страна на Арбитражниот суд за спорт. Погба потоа го раскина договорот со Јувентус и бара нов клуб откако неговата суспензија истече во март.

Мудрик претходно негираше дека свесно прекршил какви било правила. Познато е дека украинскиот репрезентативец бил негативен на тестот во август и тврди дека не ги променил своите навики од тогаш.

Мудрик пристигна во јануари 2023 година од Шахтјор во Челзи во трансфер вреден 70 милиони евра. Тој беше еден од најбараните играчи во Европа, а во последен момент Челзи го грабна од градскиот ривал Арсенал, со кого Украинецот веќе се договори за трансфер.

Минатата сезона, поради проблеми со повреди и афера со допинг, тој одигра само 15 натпревари, а постигна три гола и забележа четири асистенции во сите натпреварувања.

Својот последен натпревар го одигра на 28 ноември во победата од 2:0 против Хајденхајм во Конференциската лига.