Проруската народна милиција во источниот украински град Донецк ја заземала во петокот навечер касарната на украинската армија во центарот на градот, и покрај примирјето што го прогласи претседателот Петро Порошенко а го прифатија и тие кое истекува во петок навечер, потврди за медиумите портпаролот на самопрогласена Донецка Народна Република.

Градот Донецк инаку повеќе од два месеца е речиси целосно под контрола на проруските ткн народни милиции за самоодбрана кои не ги признаваат новите прозападни украински власти во Киев и во почетокот бараа федерализација на Украина, а по почетокот на воената операција на армијата за враќање на контролата во источните региони на земјата, прогласија независност во областите на кои е доминантна рускојазичната заедница познати под заедничкото име Донбас.Како што изјавил за РИА Новости портпаролот на проруските бунтовници во Донецк, Дмитриј Гау, претходно тие се обиделе да се договорат со украинските војници да се предадат, но откако не бил постигнат договор, започнале со нападот. „Имаше напад врз објектот. Милицијата ја презема контролата врз него и сега ја пребаруваат областа“, додал соговорникот на агенцијата. Не прецизирал за настрадани на двете страни, но според репортерот на агенцијата, најмалку еден бунтовник бил ранет.Според репортерот на AFP, најмалку двесте бунтовници побарале од припадниците на единицата на украинската Национална гарда во споменатата касарна, задолжени за спроведување заробеници, да се предадат и да го предадат оружјето. Кога овие одбиле, бунтовниците почнале да пукаат, и покрај примирјето коешто ги прифатија двете страни. Пред касарната имало, и оклопно возило на проруската милиција со руско знаме, известува агенцијата.Жител на Донецк кој ги поддржува милициите и чиј син бил во зградата на касарната, изјавил дека воената единица стационирана во касарната во центарот на градот, опкружена со станбени згради и локали, имало „двесте до триста луѓе“.„Бунтовниците и дадоа ултиматум на војниците кои не сака да се предадат. Борците на Донецката република почнаа да пукаат“, изјавил за AFP овој 49-годишен маж по име Сергеј.Украинската национална гарда, пак, издаде соопштение дека нападот бил одбиен и дека во него никој не бил ранет. Додава дека траат преговори со претставници на бунтовниците. Оваа единица на Националната гарда не учествувала во операциите на украинската армија којашто беше покрената во април во оваа индустриски развиена источно рускојазична област во источна Украина против бунтот. Примирјето коешто го прогласи Киев, а го прифатија бунтовниците, истекува во петок во 21 часот по средноевропско време. Вашингтон и Москва ја повикаа прозападната власт во Киев да го продолжи примирјето./крај/мф/сн

Извор: AFP/РИА Новости