Спорт
ЛШ: Звезда ги доби Ливерпул, Наполи и ПСЖ, Роналдо ќе игра против Јунајтед
Во Монако беше одредена ждрепката за новата сезона во Лигата на шампионите, и како и секогаш има интригантни групи и една можна „група на смртта“ секако групата Ц, иако и групата Б има свои „адути“.
Црвена звезда при првиот настап во ЛШ ќе има пеколна …
Во Монако беше одредена ждрепката за новата сезона во Лигата на шампионите, и како и секогаш има интригантни групи и една можна „група на смртта“ секако групата Ц, иако и групата Б има свои „адути“.
Црвена звезда при првиот настап во ЛШ ќе има пеколна група, во која се вице-шампионот Ливерпул, супер-богатиот Пари Сен-Жермен, како и новиот клуб на Карло Анчелоти, италијанскиот вице-шампион, Наполи.
Во групата Б, пак, тука се Барселона, Тотенхем, Интер и ПСВ Ајндховен, каде што ќе биде многу тешко да се предвиди кој ќе оди понатаму.
Кристијано Роналдо дојде во Јувентус за да ја брка титулата од ЛШ, и за почеток ќе мора да се соочи со свој поранешен клуб, Манчестер јунајтед во групата Х. Тука се и уште едни стари познаници од Шпанија, Валенсија, како и швајцарското изненадување Јанг Бојс.
Актуелниот шампион Реал Мадрид ќе ја почне одбраната во релативно лесна група со Рома, ЦСКА Москва и Викторија Плзен.
Ако се бара и „најлесната“ група, ако постои такво нешто во ЛШ, тоа сигурно би била групата Д, каде што се Локомотив Москва, Порто, Шалке и Галатасарај.
The official result of the #UCLdraw! ?
Toughest group? ? pic.twitter.com/G6rPKtQuU8
— UEFA Champions League (@ChampionsLeague) August 30, 2018
ЛИГА НА ШАМПИОНИ 2018/19
ГРУПА А
1.Атлетико Мадрид (Шпа)
2.Борусија Дортмунд (Гер)
3.Монако (Фра)
4.Клуб Бриж (Бел)
ГРУПА Б
1.Барселона (Шпа)
2.Тотенхем (Анг)
3.ПСВ Ајндховен (Хол)
4.Интер (Ита)
ГРУПА Ц
1.Пари Сен-Жермен (Фра)
2.Наполи (Ита)
3.Ливерпул (Анг)
4.Црвена звезда (Срб)
ГРУПА Д
1.Локомотив Москва (Рус)
2.Порто (Пор)
3.Шалке 04 (Гер)
4.Галатасарај (Тур)
ГРУПА Е
1.Баерн Минхен (Гер)
2.Бенфика (Пор)
3.Ајакс Амстердам (Хол)
4.АЕК Атина (Грц)
ГРУПА Ф
1.Манчестер сити (Анг)
2.Шахтјор Доњецк (Укр)
3.Лион (Фра)
4.Хофенхајм (Гер)
ГРУПА Г
1.Реал Мадрид (Шпа)
2.Рома (Ита)
3.ЦСКА Москва (Рус)
4.Викторија Плзен (Чеш)
ГРУПА Х
1.Јувентус (Ита)
2.Манчестер јунајтед (Анг)
3.Валенсија (Шпа)
4.Јанг Бојс (Шва)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.