Спорт
Лопетеги: Репрезентацијата? Повторно би постапил исто
Тренерот на Реал Мадрид, Хулен Лопетеги, рекол дека не жали што 48 часа пред почетокот на Светското првенство решил да објави дека селекторската позиција во Шпанија ќе ја замени со тренерската во Реал Мадрид. Фудбалскиот сојуз на Шпанија веднаш му врач…
Тренерот на Реал Мадрид, Хулен Лопетеги, рекол дека не жали што 48 часа пред почетокот на Светското првенство решил да објави дека селекторската позиција во Шпанија ќе ја замени со тренерската во Реал Мадрид. Фудбалскиот сојуз на Шпанија веднаш му врачи отказ, поради што тој не ја предводеше Шпанија на СП во Русија.
Лопетеги мандатот на клупата на Реал го почна со поразот во Суперкупот на Европа, а потоа запиша три победи во првите три кола во Ла Лига.
Во националните шампионите сега следи пауза поради репрезентативните акции, а Лопетеги во таа пригода бил гостин во радиоемисија.
„Донесов одлука и повторно би постапил исто. Го направив тоа искрено и не жалам“, рекол Лопетеги одговарајќи на прашањето дали жали што на таков начин се разделил со репрезентацијата.
Тој порачал дека е голем навивач на шпанската репрезентација и дека се радува што за селектор е поставен Луис Ентрике. Тој сепак одбил да говори за текот на преговорите помеѓу него и Реал, додека сè уште бил актуелен селектор на „црвената фурија“.
„Она што го направивме го направивме бидејќи мислевме дека така треба да биде, водени од мислата дека сè мора да му биде подредено на Реал. Го направивме тоа чесно и одговорно“, рекол Лопетеги.
„Кога станува збор за Кристијано Роналдо, јас не добив можност да разговарам со него. Кога јас дојдов во клубот, тој веќе имаше објавено дека заминува. Тој е феноменален играч, јас само ја почитував неговата одлука“.
Тренерот на европскиот првак ја коментирал и клупската трансфер-политика во летниот преоден рок.
„На почетокот имав некои свои барања и имиња на фудбалери што би сакал да ги имам во тимот, со напомена дека ние веќе имаме одлични фудбалери на сите позиции. Со овој тим можеме да се бориме за сите трофеи во сезоната. Не би сакал да зборувам за играчи што не се во нашиот тим. Ми се допаѓаат Бејл, Бензема, Асенсио, Иско, додека оние што не се кај нас заслужуваат почит, но не го заслужуваат нашето внимание“, рекол тренерот на Реал не сакајќи да одговори на прашањето дали во тимот повеќе го сака Нејмар или Мбапе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024