Спорт
„Влезниците на Чосиќ“ на рускиот пазар се продавале за 18.500 евра
Хрватската радио-телевизија (ХРТ), излезе со коментар по скандалот, што го откриле ФИФА и Здружениеот на европските национални телевизии (ЕБУ), а во кој главен лик е познатиот спортски коментатор, Драго Чосиќ.
Чосиќ, продавал билети „на црно“ за финалн…
Хрватската радио-телевизија (ХРТ), излезе со коментар по скандалот, што го откриле ФИФА и Здружениеот на европските национални телевизии (ЕБУ), а во кој главен лик е познатиот спортски коментатор, Драго Чосиќ.
Чосиќ, продавал билети „на црно“ за финалниот натпревар на Светското првенство во Русија, помеѓу Франција и Хрватска.
„Ова што се случува е голем срам за нашата телевизија. не можеме да поверуваме дека нашите колеги продавале билети „на црно“ за СП во Русија, што ги побарале и добиле во името на ХРТ. Никого не известиле дека во име на ХРТ добиле 40 скапи влезници. Целата приказна нанесе го урна угледот и нанесе непоправлива штета на телевизија“, изјавиле за „Јутарњи“, од ХРТ.
Инаку, покрај коментаторот Драго Чосиќ во скандалот е вмешан и меѓународниот координатор на ХРТ, Саша Дедиќ.
Овие двајца, наводно се обиделе да ги продадат „на црно“ влезниците што ФИФА и ги доделила на ЕБУ, а тие без знаење на челниците на ХРТ, а по парање на Чосиќ и Дедиќ ги проследиле до телевизијата.
Скандалот го откриле луѓето од ФИФА, на денот на финалето, 15.јули. Тој ден од ФИФА во седиштето на ЕБУ била испратена информацијата дека на рускиот интернет забележале дека се продаваат четири ВИП влезници за натпреварот помеѓу Хрватска и Франција.
„Јутарњи“ пишува дека цената на еден билет изнесувала 18.500 евра.
ФИФА ги информирала луѓето од ЕБУ дека билетите биле блокирани и оние што ги купиле нема да можат да влезат на стадионот „Лужники“. Во исто време од ФИФА побарале ЕБУ да истражи како тие влезници се појавиле „на црниот“ пазар.
Откако во ЕБУ завршила истрагата тие им се обратиле на челниците на ХРТ, кои дури тогаш дознале дека телевизијата поседувала влезници за Светското првенство во Русија.
Откако ХРТ ги добиле сите потребни информации од ЕБУ, решиле да спроведат интерна истрага и откриле кои се луѓето што ги добиле влезниците.
Коментаторот Чосиќ не негирал дека побарал влезници од ЕБУ, но демантирал дека ги продавал влезниците „на црниот“ пазар. Чосиќ во својот исказ рекол дека долгогодишна пракса била да се барат влезници од УЕФА и ФИФА за ваквите големи настани.
Познатиот коментатор „на црно“ продавал билети за финалето на СП!?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Без победник во Минхен, Реал е поблиску до големото финале
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт.
Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите.
На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“.
Сепак, Баерн покажа дека не е за отпишување и ќе има што да каже за осум дена во шпанската престолнина.
Спорт
Ферари демне: Наскоро ќе биде официјално – Њуи си заминува од Ред Бул
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори.
Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.
Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер.
Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.
Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo.
Њуи учествуваше во освојувањето на седум титули за возачи и шест конструктори за Ред Бул.
Во генералниот пласман сега води Верстапен со 110 бодови, а зад него е соиграчот Перез со 85.
Овогодинешниот шампионат во Формула 1 продолжува со Големата награда на Мајами од 3 до 5 мај.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.