Црна хроника
Албанка во Италија си ги убила трите ќерки
Албанка во Италија признала дека ги убила своите три ќерки на возраст од три, десет и четиринаесетгодишна возраст, објавија италијанските власти, што наиде на голем публицитет во италијанските и европските медиуми.
Телата на девојченцата биле пронајдени во семејниот стан во местото Леко на езерото Комо во регионот Ломбардија, пренесуваат италијанските медиуми.
Жената именувана како 37-годишната Елдира Добруши, којашто неодамна се развела од мажот и татко на нејзините деца, кој исто така бил Албанец и во петокот се вратил во Албанија, била пронајдена на улица во состојба на голем шок и со повреди на рацете. „Бев очајна, ги убив своите ќерки”, изјавила во полицијата.
Полковникот на италијанските карабинери изјавил дека трите девојчиња кои имале неалбански имиња претрпеле повеќе убодни рани и починале во нивната соба, но потоа биле префрлени на креветот од мајка им. „Целиот стан беше облеан со крв. Не можеше ништо да се стори за жртвите, беа веќе мртви со повеќе рани нанесени со кујнски нож”, рекол полковникот Роко Италиано. Додал дека неговите колеги кои влегле во станот биле шокирани од призорот.
Во врска со оваа трагедија се огласи и италијанскиот министер за внатрешни работи Анџелино Алфано, кој рекол дека „Нема да се дозволи никој неказнет да се извлече од ова ужасно злосторство”.
Жената е притворена и треба да биде изведена пред истражен судија, откако во првичната изјава ги признала убиствата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.