Црна хроника
Од ‘Coca Cola' украдени лаптопи со податоци за 74 илјади луѓе
Непознати крадци украле неколку лаптопи од седиштето на компанијaта „Coca Cola“ во Атланта во сојузната американска дражва Џорџија, потврди портпаролката на најголемиот светски производител на пијалаци, Ен Мур.
Според Мур, во украдените преносни компјутери, биле чувани личните податоци за најмалку 74 илјади лица, главно поранешни и сегани вработени во компанијата.
Лаптопите коишто биле украдени претходно, полицијата успеала да ги пронајде до петокот. Портпаролката изјавила дека, според сѐ судејќи, никој не ги користел податоците содржани во компјутерите за лични цели. Сепак, како мерка на претпазливост, компанијата „Coca Cola“ им испратила на предупредување на лицата чиишто лични податоци можеле да идат украдени.
Сѐ уште е нејасно како крадците успеале да ги украдат лаптопите. Мур одбила да даде какви и да се поединости за инцидентот, наведувајќи дека истрагата сѐ уште не е завршена.
Станува збор инаку за добро обезбедувана зграда. Во Атланта инаку се наоѓа и музејот посветен на најпознатиот безалкохолен пијалак во светот, во кој се чува таинствениот рецепт за приготвување на газираниот пијалак, ткн препарат 7Х. Полуметарскиот сеф, во кој се наоѓа формулата, никогаш не се отвора, а посетителите на музејот можат да му се доближат само до неколку метри растојание./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.
Топ
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип.
Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.
Според првичните информации починатото лице и неговиот колега извршувале работна задача во моментот на несреќата.