Францускиот напаѓач Рандал Коло Муани ќе биде новото засилување на Јувентус.

Напаѓачот на Пари Сен Жермен пристигнува во Торино на позајмица до јуни оваа година, без опција за откуп.

Тиаго Мота, тренерот на „Старата дама“ сака да ја засили конкуренцијата во нападот, но се е исклучено Дуашн Влаховиќ да го напушти клубот.

Коло Муани, во првиот дел од сезоната настапи на само 14 натпревари за ПСЖ.

Постигна два гола и забележа една асистенција, а последниот меч го имаше на 6. декември во ремито со Оксер.

Тој е член на Пари Сен Жермен од летото 2023 година, кога за 95 милиони евра пристигна од Ајнтрахт.

Коло Муни во кариерата настапуваше и за Нант и Булоњ, а има седум настапи за француската репрезентација.

Нотингем Форест и Ливерпул освоија по бод, откаково дерби мечот од 21. коло одиграа 1.1.

Серија од шест последовни победи „Шумарите“ ја прекинаа против лидерот на табелата, иако ремито е добар резултат за нив. Нотингем Форест со 41 бод се наоѓа на второто место на табелата, Ливерпул е лидер со 47 и натпревар помалку, Арсенал со натпревар помалку е трет со 40 бодови.

Нотингем Форест водеа од осмата минута, кога Крис Вуд го искористи додавањето на Ентони Еланга и го совлада Алисон.

Ливерпул не успеа да направи ништо во првиот дел, но во вториот избраниците на Арне Слот тргнаа во целосна офанзива. „Црвените“ изедначија во 66. минута. Константинос Цимикас нафрли, а Диого Жота со глава ја упати топката во мрежата на Мак Селсо.

Тимот на Арне Слот тргна на пресврт, имаше неколку шанси до крајот на мечот, но Селс блескаше на голот на „шумарите“.

Следниот меч на Ливерпул го игра против Брентфорд, додека Форест за противник ќе го има Саутемптон.

Премиер лига, 21 коло:

Брентфорд – Манчестер Сити 2:2 (0:0)
/Виса 82, Норгард 90+2 – Фоден 66, 78/

Челзи – Борнмут 2:2 (1:0)
/Палмер 13, Џејмс 90+5 – Клајверт 50п, Семењо 68/

Вест Хем – Фулам 3:2 (2:0)
/Солер 31, Соучек 33, Пакета 67 – Ивоби 51, 78/

Среда:

20.30 Евертон – А. Вила
20.30 Лестер – К.Палас
20:30 Њукасл – Вулверхемптон
21:00 Арсенал – Тотенхем

четврток:

20.30 Ипсвич – Брајтон
21.00 Манчестер Јунајтед – Саутемптон

Аталанта и Јувентус одиграа нерешено (1:1) во дербито во Серија А. Ова беше одлоѓжен натпревар од 19.коло.

„Старата дама“ водеше во 54. минута со голот на Пјер Калулу, но тимот од Бергамо дојде до бод во 78. минута преку Матео Ретеги.

Јувентус ја продолжи серијата на нерешени резултати, ова е 13.реми за четата на Тијаго Мота во 20.натпревар, односно седми нерешен резултат на последните осум натпревари.

Аталанта е на третото место со 43 бода, Јувентус со 34 бода се наоѓа на петтото место.