Црна хроника
Гостиварка си ги скрши двете нозе бегајќи пред насилник
Дваесет идвегодишна девојка од гостиварското село Чајле тешко се повреди здобивајќи се со скршеници на двете нозе по пад од дрво каде го побарала спасот обидувајќи се побегне пред насилник
Инцидентот се случил во саботата околу 18,15 часот во Гостивар на улицата „Светозар Пепоски“ бб, додека девојката се движела по улицата, кога и се доближил непознат маж кој управувал мотоцикл и почнал да ја навредува. Девојката се исплашила и почнала да бега по улицата кон зграда бр.53, по што почнала да се качува на дрво, но во еден момент паднала на земја и се здобила со скршеници на двете нозе.
Со возило на Брза помош, била пренесена во Медицинскиот центар Гостивар, од каде по укажаната лекарска помош е пренесена и задржана на лекување во клиничкиот центар во Скопје.
Увид на лице место извршила екипа од Полициската станица Гостивар. Се преземаат мерки за расчистување на настанот, а според првичните сознанија девојката не го познавала насилникот, а не успеала да ја забележи марката на мотоциклот или регистерските ознаки./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.