Европа
Историски марш против тероризмот во Париз
Семејствата на жртвите во неодамнешните терористички напади во француската престолнина Париз ја предводат големата поворка којашто во неделата во раните попладневни часови тргна од Плоштадот на Републиката во знак на несогласување со тероризмот и во одбрана на слободите, настан што француските медиуми го нарекоа „историски републикански“ марш.
Поворката се движи од Плоштадот на Републиката кон Плоштадот на Нацијата, а за нејзината безбедност и одржување на јавниот ред и мир, како што во саботата францускиот министер за внатрешни работи Бернар Казнев, беа ангажирани 5.500 припадници на полицијата и на војската. Низ Париз во патрола се ангажирани 2.200 војници и полицајци кои директно се грижат за безбедноста на поворката, на покривите се распоредени „елитни снајперисти“, како што најави министерот Казанев, а во масата се измешани полицајци во цивил. Пред почетокот на маршот детално е прегледана парискиот канализациски систем, а станиците на подземната железница се затворени на потегот меѓу двата плоштада.
По минутата молк, роднините на 17-тезагинати ги поведоа челниците на педесетина земји, зад кои се движи маса учесници во поворката кои носат француски и други знамиња. Се’ уште нема информација од полицијата на Париз колку луѓе се собраа во неделата во Париз, а еден од организаторите, пратеникот на владејачките социјалисти и поранешен министер Франсоа Лами на Twitter објави дека ги има меѓу 1,3 и 1,5 милиони.
Во секој случај, известувачите се согласни дека станува збор за најмасовна манифестација во современата француска историја, поголема и од прославата на ослободувањето на Париз во Втората светска војна во 1944 година, или прославувањето кога Франција стана светски фудбалски првак во 1998 година.
Францускиот претседател Франсоа Оланд, заедно со челниците на владите и дипломатиите на педесетина земји, меѓу кои на Германија, Италија, Велика Британија, Турција, рускиот министер за надворешни работи Сергеј Лавров, и претставници на Палестинските територии, се движат кон Плоштадот на нациите каде што мала група луѓе ја отпеаја француската химна „Марсељезата“ а на скулптурата на плоштадот е поставен натписот „Зошто?“. Медиумите забележуваат дека претседателот на Палестинската самоуправа Махмуд Абас е во колоната само неколку метри зад израелскиот премиер Бенјамин Нетанјаху, а доаѓањето на светските политички лидери масата го дочекала со аплауз.
Францускиот претседател Оланд, пред почетокот на поворката изјави дека „Париз денеска е главниот град на светот“. Освен маршот во Париз, многубројни собири се одржуваат низ Франција. Така се проценува дека на сличните собири во саботата навечер низ цела Франција имало повеќе од 700 илјади учесници во поворките. Во неделата, се проценува дека на улиците на другите француски градови се излезени над 600 илјади луѓе, а само во Лион, третиот по големина француски град во поворката учествуваа 150 илјади.
Учесниците во поворките носат пароли „Јас сум Шарли, Евреин, полицаец“, „Слобода, еднаквост, цртање, пишување“, „Јас сум муслиман, но не сум терористи“. „Сите ние сме полицајци“, „Сите ние сме кошер супермаркети“, извикуваа собраните на Плоштадот на Републиката недалеку од редакцијата на сатиричкиот неделник Charlie Hebdo зо чиј напад во средата кога беа убиени 12 луѓе започнаа еден од најмачните терористички напади на европска почва во последните девет години. Двајцата терористи во името на џихадизмот во редакцијата на весникот кој објавуваше во минатото карикатури на пророкот Мухамед што според исламот е навредливо и претставува богохулство, браќата Саид и Шариф Каши ги убија 12-те лица, од кои пет карикатуристи и двајца полицајци, а во следните два дена во поврзаните инциденти беа убиени уште пет луѓе. Настрадаа вкупно десет луѓе од редакцијата на Chalrie Hebdo, тројца полицајци и четворица од продавницата за еврејска кошер храна во 20-от арондисман на Париз. Полицајците ги убија тројцата напаѓачи, покај браќата Каши и 32-годишниот Ахмед Кулибали, а трага по 26-годишната Ајат Бумедиен којашто се опишува како „опасна и вооружена“. Меѓутоа, според информациите на турските безбедносни служби, таа уште на 7-ми јануари, пред нападите ја минала границата меѓу Турција и Сирија. Постојат сознанија дека таа за 2-ри јануари резервирала билет за летот од Мадрид до Истанбул, но турските безбедносни служби не добиле информации од своите француски колеги дека е издадена потерница по неа или, пак, дека е сомнечена за учество во терористички активноста, поради што и немале основа да ја задржат.
„Французин сум, се викам Жан, Ахмед, Клариса, Стефан, Јохан“, се набројуваат имињата на жртвите на транспарентот на 60-годишниот продуцент Жан-Пјер Лорен. „Сторете што и да сакате, можете и утре да ме убиете, но никогаш нема да победите“, вели продуцентот во анкетата на репортерот на AFP. „Многу сум среќен што денеска работам и ве возам на републиканската поворка“, рекол машиновозач на воз на линијата која во еден дел ја следи маршрутата на поворката, за што добил силен аплауз од патниците./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.