Македонија
Светскиот македонски конгрес бара вештачење на избирачките списоци од 22 места
![](https://makfax.com.mk/wp-content/uploads/2018/07/todor-petrov.png)
Светскиот македонски конгрес побара од Државната изборна комисија да изврши вештачење на Избирачките списоци на 22 места каде главно живее албанско население.
„Набљудувачката мисија на СМК констатира дека одѕивот на референдумот е 22 отсто, а бројот до 36,9% е резултат со полнење кутии од вооружени банди и партиски членови во населените места каде што мнозинството се Албанци, Турци, Роми и Македонци со исламска вероисповед“, рече претседателот на СМК, Тодор Петров.
Тој истакна дека резултатите од референдумот за промена на името на државата ги сметаат за фалсификат. Додаде дека СМК и натаму отфрла промена на Уставот и ратификацијата на договорот со Грција заради промена на името на државата и идентитетот на нацијата.
„Во согласност со членот 19 од Законот за референдум, за иста одлука, со истите прашања, Собранието не може да гласа пред истекот на рокот од две години, од денот на одржаниот референдум“, додаде тој.
СМК поднел и приговори до ДИК за нерегуларности за време на гласањето на референдумот, но оттаму не добиле повратен одговор.
Петров бара од јавниот обвинител да поднесе обвинителен акт против премиерот, министрите и пратениците кои гласале за договорот со Грција и за одлуката за распишување на референдум, поради сторени кривични дела против државата и нацијата. СМК, исто така, бара и конфискација на личниот имот на нивните семејства, во Македонија и светот.
„Бараме оставка од министерот за внатрешни работи, бидејќи на 30 септември го блокира влезот на десетици автобуси од провинцијата на наплатните рампи во Скопје, со 2 до 3 часа детален претрес на патниците со образложение дека бараат оружје и бомби“, рече Петров.
Координативното тело против референдумот протестира и против директорот на ЕВН, Митре Казанџиевски, за кој велат дека поради политички побуди, не одобрил приклучок за струја за бината пред Собранието на прославата по референдумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.