Спорт
КК Задар: „Биг бејби“ Дејвис се обиде да не уценува
Глен „Биг бејби“ Дејвис, НБА шампион со Бостон Селтикс, нема да го облече дресот на Задар. Дејвис потпиша договор до крајот на сезоната со Задар, а истиот е раскинат и пред силниот центар да слета на хрватскиот брег.
Откако Дејвис на социјалните мрежи …
Глен „Биг бејби“ Дејвис, НБА шампион со Бостон Селтикс, нема да го облече дресот на Задар. Дејвис потпиша договор до крајот на сезоната со Задар, а истиот е раскинат и пред силниот центар да слета на хрватскиот брег.
Откако Дејвис на социјалните мрежи навел дека тренерот не покажал почит кон него, клубот се огласи со соопштение во кое ги наведува причините поради кои е раскинат договорот.
„Сакам да и се извинам на публиката која дојде да го види Дејвис. Проблемите започнаа во петокот кога ми се јави и ми кажа дека има некаков вирус, дека е нервозен, дека е носталгичен. Потоа ми кажа дека целата ситуација не ја сватил толку сериозно, како на пример да тренира два пати во денот, па потоа сите тие патувања…Сакавме да му понудиме повеќе пари, секако во рамките на нашиот буџет. Потоа тој излезе со поинакви барања, сакаше да бира не кои натпревари ќе игра, кога ќе тренира…Не можевме да прифатиме тој да не уценува“, пишува спортскиот директор на Задар, Бранимир Лонгин.
Дејвис во кариерата играл во Бостон, Орландо и ЛА Клиперс, меѓутоа без професионален ангажман е од 2015 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…