Македонија
(Видео) Ременски ги повика пратениците да гласаат за уставни измени, во спротивно избори

Членството во НАТО и ЕУ е стратешка определба и врвен национален интерес. Над 90 проценти од тие што гласаа се за тоа и треба да се почитува нивната одлука, преку гласање во Собрание, рече потпретседателката на Собранието на Република Македонија и потпретседателка на СДСМ, Фросина Ременски.
„Откако Владата најави дека доставува предлог, ги пивикувам сите пратеници да преземат одговорност за иднината на државата. Сите пратеници, вклучувајќи ги и од ВМРО-ДПМНЕ се должни да ја следат мнозинската волја на граѓаните. Ги повиквам сите да го поддржат процесот во Собранието и да гласаат за уставните измени. Никој да не се надева на амнестија. Доколку раководството на ВМРО-ДПМНЕ и натаму блокира, останува само да одиме на избори веднаш“, рече Ременски.
Таа додаде дека согласно Деловникот, останува на претседателот на Собранието да ја закаже седницата, но не одговори дали Владата успеала да ги убеди оние 10 пратеници кои недостасуваат за дво-третинско мнозинство.
„Не можам експлицитно да одговорам дали го имаме потребното мнозинство, но фактот дека се пристапува кон измени на Уставот значи потенцирање на одговорноста на пратениците да пристапат кон почитување на волјата на мнозинството кои гласаа на референдумот. Не сметам дека Собранието треба да пристапува кон организирање на тајни гласања, бидејќи сите треба да застанеме пред сопствената одговорност за тоа каква иднина сакаме“, додаде Ременски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Приведен прилепчанецот кој пукаше од балкон, се трага по уште едно лице

Приведен е 51-годишен прилепчанец од селото Црнилиште Општина Долнени поради пукање, а врз основа на видео споделено на „Фејсбук“.
Од МВР информираа дека во домот на 51-годишниот Џ.Ќ. во селото Црнилиште, прилепко, најдени се полуавтоматска ловна пушка, репетирачки карабин и полуавтоматски пиштол кои ги поседувал со дозвола, како и 395 куршуми различен калибар, 17 парчиња ловен патрон и еден ресивер поврзан на видеонадзор инсталиран во домот.
„Пронајдените предмети се одземени поради сомнение за предвизвикување општа опасност“, велат од МВР.
Со оглед на тоа што оружјето го поседувал со дозвола, привремено е одземено по што ќе следи постапка за одземање на дозволата.
Тој е приведен, а се преземаат мерки за пронаоѓање на неговиот син.
Македонија
Студено време со врнежи од дожд, а на повисоките места снег

Времето денес е претежно облачно и студено со врнежи од дожд, а на повисоките места од дожд и снег. На планините врнежите ќе бидат од снег. Ќе дува умерен до засилен северен ветер (наместа над 70 km/h).
Дневната температура ќе биде во интервал од 5 до 13 степени.
Во Скопје, облачно и студено со врнежи од дожд.
Попладне и во вечерните часови на повисоките делови од котлината врнежите ќе бидат од дожд и снег. Ќе дува умерен до засилен северен ветер. Дневната температура ќе достигне до 9 степени, јавува УХМР.
Македонија
Ледено невреме доаѓа кон Македонија: се очекува силен ветер, дожд, снег и минусни температури

Денешниот ден донесе вистинска пролет во Македонија и сончево време во најголемиот дел од земјата, но во наредните часови следува бурна промена на времето.
Моќен циклон во овој момент носи обилен снег и силен ветер во источна и североисточна Европа.
Снегот и бурните ветрови како дел од студениот фронт стигнаа до северот на Романија и Словачка.
Во исто време, во Македонија се уште е топло, температурата во Скопје е 14 степени, а за само неколку часа студениот фронт ќе ја намали температурата за повеќе од 10 степени за многу краток временски интервал.
Според информациите од Управата за хидрометеоролошки работи (УХМР) ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег.
На планините врнежите ќе бидат од снег и ќе се формира снежна покривка од 10 до 15 сантиметри.
Ќе дува засилен северен ветер со брзина од над 70 километри на час и температурите значително ќе опаднат.
Во понеделник со засилен северен ветер наместа повремено ќе провејува слаб снег.
Потоа времето ќе биде стабилно и ветровито со утринските температури кои насекаде ќе бидат негативни и ќе се спуштат до минус 7 степени.
Кон крајот на следната недела се очекува постепен пораст на температурите.