Црна хроника
„Сакам да бидам најдобар татко и маж“ – последна порака од таткото кој скокна со синот од облакодер
Димитриј Канариков (35) скокна од прозорецот на еден облакодер во Њујорк и со себе во смрт го зеде својот тригодишен син Кирил. Причина за трагедијата најверојатно е судската одлука за старателството над детето според која за детето требало да се грижи мајката.
Несреќниот човек скокнал од зградата висока 52 ката и не го преживеал падот, додека детето сé уште давало знаци на живот, но подоцна им подлегнало на повредите, пренесуваат медиумите.
Таткото се качил на покривот од зградата во која наводно живеел некој негов пријател, а полицијата претпоставува дека најверојатно претходно го фрлил детето од врвот на облакодерот па потоа скокнал и самиот, со оглед на фактот дека детето било пронајдено подалеку од безживотното тело на својот татко.
Лекарите од итната помош констатирале смрт кај возрасното лице, додека детето сé уште давало знаци на живот, но откако било пренесено во болница им подлегнало на повредите.
Се претпоставува дека кобната одлука на таткото е поради решението на судот старателството врз детето да и припадне на мајката.
Несреќниот татко не оставил никаква порака пред да го изврши убиството и самоубиството, но на својот профил на Фејсбук напишал неколку зборови кои додаваат доза на згрозување: – „Сакам да бидам најдобриот татко и маж“./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.