Спорт
Гризман ги „уништи“ соништата на Германците, Гибралтар влезе во победничка серија! (видео)
Антоан Гризман постигна два гола во второто полувреме за на светските шампиони Франција да им ја врати самодовербата по неубедливото реми со Исланд со 2:1 победа над лутите ривали од Германија, кои имаа водство во првото полувреме.
Тони Крос во 14. мин…
Антоан Гризман постигна два гола во второто полувреме за на светските шампиони Франција да им ја врати самодовербата по неубедливото реми со Исланд со 2:1 победа над лутите ривали од Германија, кои имаа водство во првото полувреме.
Тони Крос во 14. минута ги донесе во водство гостите на „Стад де Франс“ со гол од пенал по играњето со рака во домашниот шестнаесетник, но ѕвездата на Атлетико Мадрид во второто полувреме го обезбеди целосниот пресврт.
Гризман прво во 62. минута доби одлично нафрлање од Лукас Ернандез и со глава го матираше Мануел Нојер, за во 80. минута тој да добие шанса од пенал да го реши мечот по остриот старт на Матс Хумелс, по кој судијата Милорад Мажиќ покажа на белата точка.
За Германија ова е продолжување на катастрофата по 3:0 поразот од Холандија во последното коло, и остануваат на дното во групата 1 во Лига А со само еден освоен поен и за дополнителен притисок над селекторот Јоаким Лев.
Во нашата група 4 од Лига Д, Гибралтар, репрезентацијата која направи сензација со победа во Ерменија (нешто што не им успеа на нашите репрезентативци), запиша и втора победа во натпреварувањето по 2:1 триумфот над Лихтенштајн, иако губеа со 0:1 на полувреме.
Украина под Андриј Шевченко суверено „гази“ кон Лига А, откако ја совладаа Чешка со 1:0 со голот на Руслан Малиновски, додека Велс, исто така во Лига Б во островското дерби со 1:0 славеше на гости кај разочарувачките Ирци.
Фото: ЕПА
ЛИГА НА НАЦИИ
ЛИГА А, ГРУПА 1
Франција – Германија 2:1
Табела: 1.Франција 7, 2.Холандија 3, 3.Германија 1
ЛИГА Б, ГРУПА 1
Украина – Чешка 1:0
Табела: 1.Украина 9, 2.Чешка 3, 3.Словачка 0
ЛИГА Б, ГРУПА 4
Ирска – Велс 0:1
Табела: 1.Велс 6, 2.Данска 4, 3.Ирска 0
ЛИГА Ц, ГРУПА 3
Норвешка – Бугарија 1:0
Словенија – Кипар 1:1
Табела: 1.Норвешка 9, 2.Бугарија 9, 3.Кипар 4, 3.Словенија 1
ЛИГА Д, ГРУПА 1
Казахстан – Андора 4:0
Летонија – Грузија 0:3
Табела: 1.Грузија 12, 2.Казахстан 5, 3.Летонија 2, Андора 2
ЛИГА Д, ГРУПА 4
Ерменија – Македонија 4:0
Гибралтар – Лихтенштајн 2:1
Табела: 1.Македонија 9, 2.Ерменија 6, 3.Гибралтар 6, 3.Лихтенштајн 3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.