Македонија
ВМРО-ДПМНЕ слави без Груевски, исклучените членови и разрешените функционери
Ниту еден од исклучените партиски членови и разрешените функционери не пристигна во Македонскиот народен театар, каде вечерва ВМРО-ДПМНЕ одржува свеченост, по повод одбележувањето на 23 Октомври, Денот на македонската револуционерна борба. Присутен не е ниту екс-премиерот и почесен претседател, Никола Груевски.
Со овации беше пречекан лидерот на опозицијата, Христијан Мицкоски кој влезе во салата додека се интонираше партиската химна.
Мицкоски ќе биде единствениот кој ќе се обрати на свеченоста.
Прославата се случува еден ден по синоќешниот состанок на Централниот комитет кој предложи од партијата да бидат исклучени ексдиректорот на УБК Сашо Мијалков и поранешниот министер за здравство Никола Тодоров оти ги убедувале пратениците да гласаат за промена на Уставот, предвидена со Преспанскиот договор. Од функцијата потпретседател на партијата беше разрешен и актуелниот градоначалник на Кавадарци, Митко Јанчев, како и членот на извршниот комитет Костадин Богданов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Варјехи: Очекувам со Силјановска да работиме на забрзување на реформите за преговорите со ЕУ
Еврокомесарот за проширување и соседска политика, Оливер Вархеји, и’ ја честиташе победата на Гордана Силјановска Давкова на изборите.
„Честитки за новата претседателка на Северна Македонија! Со нетрпение очекувам да работиме со претседателката Гордана Сиљановска Давкова на забрзување на потребните реформи за да се придвижи напред процесот на пристапни преговори“, наведе Вархеји во честитката на платформата „Икс“.
Congratulations to the new President of North Macedonia!
Looking forward to working w/ 🇲🇰President Gordana Siljanovska-Davkova to speed up the necessary reforms to move forward in the 🇪🇺accession negotiation process.@gogamkd
— Oliver Varhelyi (@OliverVarhelyi) May 8, 2024
Македонија
Радев: Набргу ќе се знае дали ВМРО-ДПМНЕ и Силјановска ќе работат за европската перспектива на Скопје
Бугарскиот претседател Румен Радев вели дека набргу ќе биде јасно дали новоизбраната претседателка на Република Северна Македонија, Гордана Силјановска, и партијата ВМРО-ДПМНЕ ќе работат за европската перспектива на Скопје.
„Секогаш сум ја поддржувал европската интеграција на Република Северна Македонија, но во согласност со принципите на добрососедство и, пред сѐ, Копенхашките критериуми за членство. А тоа би значело промена на Уставот и почитување на правата на македонските Бугари“, вели Радев.
Како што додаде, во изборната кампања се разгорел говор на омраза, кој треба да запре, а натаму е неопходна е ревизија на учебниците, почитување и заштита на бугарското културно и историско наследство.
Македонија
ЗНАМ доби уште еден мандат и има вкупно шест, а ВМРО-ДПМНЕ се намали за еден и има 58 мандати, ДИК објави нови пресметки
Според последните објавени резултати на ДИК, по преброени 99,6 отсто од гласовите во избирачките места, ВМРО-ДПМНЕ освои 58 мандати во новиот собраниски состав.
Зад неа е коалицијата на ДУИ, со освоени 19 пратенички мандати.
СДСМ на овие избори освои 18 мандати.
Коалицијата „Вреди“ има 13 мандати во Собранието, а по шест мандати имаат Левица и партијата ЗНАМ.
По овие резултати на ДИК, измени од синоќешната објава има кај коалицијата „Твоја Македонија“ на ВМРО-ДПМНЕ, која изгуби еден мандат, и ЗНАМ, која има еден мандат повеќе.