Свет
Белата куќа ги нарече подли обидите за напад врз Обама и Клинтон
Белата куќа денеска ги осуди сомнителните пратки испратени на адреса на Барак Обама и Бил и Хилари Клинтон нарекувајќи ги подли обиди за напад и застрашувачки дела, и предупреди дека одговорните ќе сносат одговорност.
„Тајната служба и други агенции одговорни за спроведување на законот ги испитуваат настаните и ќе ги преземат сите соодветни мерки за заштита на сите на кои им се закануваат вакви кукавици“, изјави портпаролката на Белата куќа, Сара Сандерс, пренесе агенцијата АП.
Тајната служба на САД во меѓувреме објави дека нејзините агенти пресретнале пакети со можни експлозивни направи испратени до Хилари и Бил Кинтон и Барак Обама.
Сепак, не беше соопштено дали Клинтонови и Обама ги примиле пакетите.
Неименуван американски претставник за АП изјави дека иследниците веруваат оти направата испратена до домот на Клинтон во предградие на Њујорк е поврзана со уред пронајден во понеделникот во комплекс на милијардерот Џорџ Сорос.
Си-ен-ен објави дека пресретнат бил и сомнителниот пакет испратен во Белата куќа.
По денешните сомнителни пакети со експлозивни направи адресирани до Хилари и Бил Клинтон, Барак Обама и Белата куќа, американските медиуми објавија дека во тек се евакуации на простории на Си-ен-ен и на „Тајмс Ворнер“ во Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина, на барање на Киев, доколку Русија ја пробие линијата на фронтот. Според него, „многу земји од ЕУ“ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува Танјуг.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.
Свет
Во Берлин нападната сенаторка, трет напад врз владин политичар за само неколку дена
Германската полиција соопшти дека поранешната градоначалничка на Берлин, сенаторката Франциска Гифај, била нападната во локалната библиотека, каде што непознат маж ја удрил одзади со торба наполнета со тежок предмет, а потоа избегал.
Во нападот, Гифај, која сега е министерка за економија на Берлин и член на партијата СПД на канцеларот Олаф Шолц, беше полесно повредена.
Нападот врз Гифај е трет врз владин политичар за само неколку дена, пренесува „Ројтерс“.