Македонија
Еден час возење од Карпош 4 до Ѓорче Петров, асфалтирањето на „Партизанска“ го блокира сообраќајот
Булеварот Партизански одреди, на потегот од Карпош 4 до населбата Ѓорче Петров, останува и натаму блокиран поради градежни работи на потегот од мостот „Влајко“ до надвозникот во Влае. Претходно, од надвозикот во Влае до кружниот тек кај Ѓорче Петров се одвиваше првата фаза на асфалтирање и траеше еден и пол месец. Затворањето на дел од лентите поради градежните работи предизвикува сообраќаен хаос за што возачите коментираат дека им треба повеќе од еден час да поминат во овој дел од градот.
„Монти Пајтон! На лето, во шпиц-сезона, ова се дешава во Охрид, наесен, кога сите се враќаат во Скопје, се случува во главниот град“, „Прават квадрат по квадрат, не смеат да го завршат бидејќи ќе платат пенали“, „Ова е катастрофа, два месеца реконстурираат една улица, а ние 500 метри треба да ги возиме еден час“, се само дел од коментарите на социјалните мрежи.
Возачите велат дека блокирани се и другите споредни улици и дека немаат алтернатива како да стгинат до населбата Ѓорче Петров. На парашњето што „Макфакс“ го упати до Град Скопје за тоа зошто градежните работи не се одвиваат со побрзо темпо, од таму велат: „Реконструкцијата се одвива според планираните и зададени рокови и нема отстапувања во нив. Се работи во согласност со сите прописи за безбедност во сообраќајот, а викендите кога има најмала фреквентност на возила, се користат за поголеми асфалтирања на коловозот“.
„Оваа траса се реконструира првпат по првичната изградба на овој булевар пред повеќе од 40 години. Се работи во согласност со сите прописи за безбедност во сообраќајот, а викендите кога има најмала фреквентност на возила, се користат за поголеми асфалтирања на коловозот. Паралелно со реконструкцијата на коловозот на булеварот, на повеќе неговии локации работеа и екипите на БЕГ, кои интервенираа во топловодната мрежа“, велат од Град Скопје.
Граѓаните се револтирани бидејќи немаат друг приод до општината Ѓорче Петров затоа што секој приод е блокиран. Тие бараат од Град Скопје решавање на сообраќајниот хаос додека трае реконструкцијата, а од Град Скопје велат: „Очекуваме градежните работи, доколку дозволат временските услови, да завршат во наредните две недели“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.