Забава
Актерката Ерин Џин Норвил го обвини оскаровецот Џефри Раш дека намерно ја допирал по градите
Актерката Ерин Џин Норвил пред судот изјави дека австралискиот оскаровец Џефри Раш намерно ја допирал за градите, за време на сцена во една претстава во моментот кога таа глумела мртва девојка.
Судењето е покренато на основа на обвинение за клевета, кое го поднел Раш против весникот „Дејли телеграф“, поради објавен текст во кој 67-годишниот актер е обвинет дека се однесувал непримерно кон колешката Норвил за време на претставата „Кралот Лир“.
Раш ги отфрли тие обвинувања и се пожали дека во медиумите бил претставен како перверзен и сексуален предатор, пренесува АП.
Како што наведува агенцијата, Норвил никогаш претходно јавно не говорела за споменатиот весник сè до објавувањето на тие текстови, а првите јавни обвинувања против австралискиот актер ги изнела во денешното сведочење пред судот.
Норвил навела дека непримерното допирање се случило повеќепати, а дека почнало од нејзиното лице до вратот, а продолжило и на градите, поради што констатирала: „Не можело да биде случајно бидејќи беше полека и со притискање“.
За време на емотивното сведочење, кое Раш го изнел минатата недела, актерот ги негирал тврдењата на колешката и рекол дека во сцената во која умира главниот лик, кој го играла Норвил, замислувал дека таа е негова сопствена ќерка од вистинскиот живот, која ја удрил автобус на улицата на која живееле.
Славниот актер доби „Оскар“ во 1996 година за улогата во филмот „Сјај“, за истата награда беше номиниран благодарение на улогите во филмовите „Заљубениот Шекспир“ и „Говорот на кралот“, а познат е и како капетан Хектор Барбоса од „Пиратите од Карибите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.
Забава
Црно-бела фотографија објавена на годишнината на свадбата на Кејт и Вилијам, фановите шокирани
Принцезата и принцот од Велс Кејт Мидлтон и Вилијам денеска ја слават 13-годишнината од бракот. Оваа убава пригода дојде во тежок момент за целото семејство. Љубовта на славните сопружници е особено на испит откако беше откриено дека принцезата има рак и влезе во процес на лекување.
И со оваа тажна симболика на бројот 13, Кејт и Вилијам покажаа дека нивниот брак е силен. Имено, тие на својот официјален профил на социјалните мрежи објавија досега невидена фотографија од нивната гламурозна венчавка која ја следеше цел свет.
Младенците се смешкаат на оваа објава, полни со ентузијазам за се што им носи иднината. Обожавателите се воодушевени од оваа објава бидејќи со недели ја чекаат судбината на саканата принцеза.
View this post on Instagram
Но, имаше и такви кои во коментар велат дека фотографијата е црно-бела и дека симболиката е мрачна знаејќи дека Кејт се бори за закрепнување.
– Зошто црно-бела фотографија?
– Се шокирав кога ја видов црната боја, таа навестува лоши работи.
– Зарем не можеше да има посреќна фотографија?
– Црно-белите фотографии не се објавуваат освен ако некој не умрел – ова се само дел од бројните коментари.
Кејт Мидлтон и принцот Вилијам се венчаа пред речиси 2.000 гости во опатијата и телевизиска и интернет публика која се мери со стотици милиони, а некои проценки велат дека имало две милијарди луѓе. Духовниот водач на англиската црква, надбискупот од Кентербери Роан Вилијамс, ја прогласи двојката официјално во брак.
Принцот Вилијам и неговата невеста Кејт Мидлтон се бакнаа двапати на балконот на Бакингемската палата. Следени со будните очи на илјадниците собрани, младиот пар се појави на балконот во придружба на кралското семејство и семејството на Кејт Мидлтон. Вилијам и Кејт се бакнаа двапати, првиот пат кратко. Над Бакингемската палата, авиони на кралското воздухопловство прелетаа над толпата.
Забава
Семејство во САД по грешка си ја испратило мачката на пат во кутија со чизми
Американско семејство повторно се обединило со својата мачка, која случајно била испратена во Калифорнија, по пошта стотици километри од домот, во пакет со чизми, пишува Би-Би-Си.
Мачката Галеана исчезна од својот дом во државата Јута на почетокот на месецот и беше организирана потрага по неа.
Таа била спасена од вработен во „Амазон“ една недела подоцна во еден од пакетите испратени од семејството.
„Галеана сака кутии, тоа е дел од нејзината личност“, рече сопственичката Кери Кларк, објаснувајќи како семејната мачка завршила толку далеку од дома.
Во кутијата во која мачката скокнала имало големи работнички чизми. За среќа, еден раб од кутијата се отворил и мачката имала воздух и била заштитена од временските неприлики, а кога конечно била ослободена била во добра состојба.
Сопствениците биле идентификувани со чип, а ветеринарот го повикал Кларк и објаснил што се случило.
Кларк најпрво мислела дека некој се шегува, а потоа настанала радост и возбуда.
Таа и нејзиниот сопруг летале 1.000 километри до Калифорнија и ја вратија Галеана дома.