Црна хроника
Тројца повредени во вооружен грабеж на златара во Струга
Три лица се повредени при вооружен грабеж што во средата попладне се случил во центарот на струшката чаршија, во златарата „Циркон“, јави охридското „Супер радио“.
Очевидците кои во моментот биле во близина на местото на настанот велат дека сликата и целиот настан бил како во некој криминалистички филм. Се слушале истрели од огнено оружје насекаде околу златарата.Дежурниот лекар од струшката општа болница во хируршкото одделение вели дека биле донесени три повредени лица, кои се надвор од животна опасност.„Околу 18 часот и 40 минути во хируршката амбуланта при Општата болница Струга беа донесени три повредени лица. Едниот беше повреден од огнено оружје во пределот на скочниот зглоб во левата нога, а има и една перфорантна рана над тендинус акили, која има влезна и излезна рана и неколку проектили кои се приметуваат на рендген снимката. Другите двајца се повредени со кундакот од пиштолот. Еден е повреден во пределот на челото на паријаталниот дел од десната страна, а другиот е во процесус мастуидиус на темпоралната коска. Се жалат на болки и вртоглавица, по што им е дадена соодветната помош и се вон животна опасност“, изјави Берат Лени – хирург во Општата болница во Струга.Потешко повредениот со прострелна рана е префрлен во Специјалната болница на ортопедија и трауматологија „Свети Еразмо“ во Охрид.Како што првично потврдуваат од СВР- Охрид во инцидентот учествувале три вооружени лица со фантомки на глава.„Во златарницата влегле најмалку три лица, сите маскирани со капи фантомки, а едно од нив носело и огнено оружје. Тие одзеле поголемо количество злато, но и пари, а потоа се вдале во бегство. Потешко е повредено едно лице“, информира портпаролот на СВР Охрид Стефан Димоски.Настанот се случил во период кога струшката чаршија е преполна со граѓани, се наведува во извештајот на „Супер радио“. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.