Македонија
(Видео) Данев: Пратеничката група помина тежок период, но тоа е зад нас

Поминавме тежок период како пратеници, тешка година беше и за пратеничката група, но тоа е зад нас, сега е добар момент за нов координатор на пратеничката група, порача пратеникот Драган Данев во заедничка изјава со новиот координатор на пратеничката група на ВМРО-ДПМНЕ, Никола Мицевски. Тој кажа дека станува збор за лична одлука, во договор со раководството на партијата.
„Овој процес е од поодамна планиран, одлучивме да се оди со една пратеничка група во координација со пратениците, добар момент да се оди со нов координатор, што е дополнителна вредност во работата на пратеничката група. Сметам дека повеќе ќе дадам придонес како пратеник отколку како координатор. Поминавме тежок период, но убеден сум дека тоа е веќе зад нас и убеден сум дека како пратеници, а тоа ни е и обврска, да настојуваме да ги обезличиме политиките на владејачката гарнитура предводена од СДСМ“, рече Данев.
Новиот коориднатор Мицевски рече дека од утре официјално ќе го известат и собранискиот спикер Талат Џафери дека ВМРО-ДПМНЕ ќе се прегрупира од десет во една пратеничка група. Тој рече дека очекува мнозинството да го прифати предложениот закон за амнестија на сите обвинети за 27 април и дека предлогот за помирување преку комисија е селективен. Мицевски не одговори дали ќе соработува со новата пратеничка група која се формираше од пратениците исклучени од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.