Свет
Салвини објави нов план за депортирање најмалку 2.700 илегални мигранти од Италија
Популистичкиот италијански министер за внатрешни работи, Матео Салвини, ги објави своите први чекори за отпочнување на депортирањето на илегалните имигранти во кој земјата ќе инвестира 12 милиони евра и со кој се очекува да бидат депортирани најмалку 2.700 илегалци, пренесува „Ил џорнале“.
Новиот план е првиот конкретен предлог за отпочнување на процесот на депортации по затворањето на пристаништата за мигрантските бродови на невладините организации, главниот извор на азиланти, претходно годинава.
Планот, кој половина ќе биде финансиран од Европската Унија, предвидува депортирање на мигрантите од земјите со кои Италија моментно нема договор за репатријација, вклучувајќи ги Нигерија, Брегот на Слоновата Коска, Бангладеш и Пакистан.
„По годините владеење на Демократската партија, испраќањето назад на илегалните имигранти во нивната земја на потекло е речиси невозможно. Но, откако практично ги намаливме доаѓањата на нула, работиме на ова и јас сум убеден дека ќе успееме “, рече Салвини.
Италијанската влада депортираше тројца африкански мигранти осомничени за тесни врски со исламистички терористички групи.
„Мојата приоритетна обврска останува да се направи договори со земјите на потекло за да се поттикнат принудните репатријации”, рече Салвини.
Според планот, прокетот ќе чини околу 12 милиони евра велејќи, а проектните активности ќе почнат во февруари 2019 година и ќе завршат до 31 декември 2021 година. Проектот доаѓа по сличен проект од август минатата година во соработка со ИОМ за депортирање на околу 900 илегални мигранти, кој чинел шест милиони евра.
Програмата драстично ги намалува амбициите за депортирање 500.000 мигранти во период од пет години, како што Салвини првично вети ако неговата партија на Лига победи на изборите.
И Австрија, која има популистичка конзервативна коалиција, го зголеми бројот на депортации годинава за 36 отсто под надзор на австрискиот популистички министер за внатрешни работи, Херберт Кикл, сојузник на Салвини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.