Свет
Турција неутрализира 45 терористи во изминатата недела
Најмалку 45 терористи, вклучувајќи и двајца т.н. високи функционери беа неутрализирани во антитерористички операции во Турција во изминатата недела, соопшти турското Министерство за внатрешни работи.
Според Министерството, вкупно 2 143 антитерористички операции биле изведени во периодот од 29 октомври до 5 ноември.
Вкупно 25 терористи се убиени, 10 се приведени, додека, пак, 10 терористи се предале на вооружените сили, се вели во соопштението на турското МВР.
Силите за безбедност уапсиле и 740 лица кои помагале или учествувале во терористички организации, 3 698 чица за кривични дела поврзани со дрога и шверц, како и 139 лица за трговија со луѓе.
Во вкупно девет провинции, уништени биле 38 засолништа и 15 импровизирани експлозивни направи и мини во сопственост на теористичка група, а запленети се 42 рачни гранати, 895 килограми експлозивен материјал, 29 пиштоли и пушки, како и 746 парчиња муниција.
Во рамките на операциите за наркотици, безбедносните сили заплениле преку шест тони дрога во земјата.
Во меѓувреме, вкупно 3 970 нелегални миграции биле запрени во текот на овие операции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.