Македонија
СДСМ: Владата и компанијата немаат никаква поврзаност со бизнисменот Савидис
Антизападното раководство ја профилира ВМРО-ДПМНЕ како лидер во лажење и ширење лажни вести, велат од СДСМ.
„Трет ден антизападното раководство на ВМРО-ДПМНЕ, предводено од антинародниот Христијан Мицкоски, лаже и конструира непостоен случај што беше јасно демантиран и од страна на компанијата што е спомената во прес-конференциите на антинародното раководство на ВМРО-ДПМНЕ. Нема никаква поврзаност со споменатиот бизнисмен, ниту компанијата ниту Владата.
Наместо да измислуваат непостојни случаи, наместо да се обидуваат да ја манипулираат јавноста, Мицкоски и врвот на ВМРО-ДПМНЕ треба да објаснат која била причината за средбата на членот на антизападното раководство на ВМРО-ДПМНЕ, Александар Николовски, со десната рака на Ѓорѓе Иванов, Синиша Алексовски.
Антизападното раководство на ВМРО-ДПМНЕ треба да научи дека со измислици не може да се покрие фактот што антизападниот пион Мицкоски преку шемите со својот ментор Груевски добил 33 илјади квадратни метри државно земјиште за хидроцентрали.
Со лажни вести не може да се покрие вистината дека антинародниот Мицкоски го брани криминалот на својот шеф Никола Груевски.
Заглавена во матрицата на Никола Груевски, на антизападното раководство на ВМРО-ДПМНЕ и Христијан Мицкоски, очигледно им пречат странските инвестиции во земјата.
Што има антизападното раководство на ВМРО-ДПМНЕ против странските инвестиции во Македонија?“, се наведува во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Системот за видеонадзор на сообраќајниците „Безбеден град“ е поставен во Скопје, Куманово и Тетово
Министерот за внатрешни работи Панче Тошковски денес оствари работна средба на Единицата за оперативно-технички работи при Бирото за јавна безбедност во чија надлежност е системот за видеонадзор на сообраќајниците познат како “Безбеден град“.
Во рамки на посетата министерот беше запознаен со работата на оваа организациска единица, тековните активности и проблеми од делокругот на нивната работа.
„Во тој контекст беше истакнато дека во моментот ваков систем е поставен само во Скопје, Куманово и Тетово, има недостаток на покриеност на многу значајни крстосници, а голем дел од камерите и опремата која се користи во овој систем е технички застарена, а дел и неисправна. Исто така бев информиран за наградбата на системот која е во тек, а која опфаќа замена на постојните камери со нови и проширување на системот со нови камери на точки кои досега не беа покриени. Водено, во фаза на тестирање е системот за автоматско евидентирање на сообраќајни прекршоци за чие целосно ставање во функција потребно е да се направат и соодветни законски измени“, издвои министерот Тошковски од средбата и додаде:
Во иднина треба во континуитет да се инвестира во овој дел, да се прошири и во другите градови низ државата, како и да се распредели дополнителен кадар со цел оваа организациска единица да работи непречено во текот на 24 часа, бидејќи е од круцијално значење за обезбедување на поволна безбедносна состојба.
Македонија
24 Мај – Денот на сесловенските просветители свети Кирил и Методиј е неработен ден за сите граѓани
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 24 мај 2024 година (петок), Св. Кирил и Методиј – Денот на сесловенските просветители – е неработен ден за сите граѓани на Република Северна Македонија.
Министерството за труд и социјална политика на сите граѓани во Република Северна Македонија им го честита празникот Св. Кирил и Методиј – Денот на сесловенските просветители.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.