Македонија
Богојески: За ЕПП, Мицкоски е пречка Македонија да влезе во ЕУ и НАТО, тие се разочарани од него
Преставниците на Европската народна партиja во Хелсинки се разочарани од претседателот на ВМРО-ДПМНЕ, Христијан Мицкоски, изјави реформаторот Петар Богојески, кој ја предводи втората делегација на конгресот на ЕПП. Богојески за „Макфакс“ вели дека голем дел од преставниците на ЕПП го гледаат Мицкоски и ВМРО-ДПНЕ како пречка Македонија да влезе во ЕУ и НАТО.
„Тука владее големо разочарување поради поведението на дел од раководството на ВМРО-ДПМНЕ и сè она што значи изневерени очекувања и дадени ветувања на европските претставници во претходниот период, а истите не биле испочитувани. За жал, овде разочарувањето кон Мицкоски е големо“, вели Петар Богојески за „Макфакс“.
Тој тврди дека ЕПП гледа на ВМРО-ДПМНЕ како на сатрапска партија, каде еден човек има неограничена власт врз сите бидејќи, како што вели, не може да е демократска ако се разрешуваат членови поради различни ставови.
Соработката со сестринската CDU е наш приоритет… споделуваме исти вредности и заедничка визија за иднината… со…
Gepostet von Петар Богојески – Petar Bogojeski am Donnerstag, 8. November 2018
„Немавме заеднички средби како делегации со претставниците, иако е во ред да имаме. Се сретнавме со Мицкоски пред почетокот на денешната сесија на конгресот и поразговаравме на кратко за тоа за што сме тука присутни, но сметам дека ќе имаме и други пригоди. Можеби е преседан за ЕПП што ВМРО-ДПМНЕ има две делегации, кои остваруваат посебни средби со претставниците, но тоа е сосема нормален демократски чин. Уште подобро е што ВМРО-ДПМНЕ е претставена од повеќе луѓе, а со тоа, ќе бидат засилени позициите на партијата во иднина“, вели Богојески од Хелсинки.
Разговорите меѓу Богојески и високите претставници на ЕПП биле за европскиот пат на Македонија, но и за тоа дека ВМРО-ДПМНЕ не смее да остави европската агенда да биде монополизирана од СДСМ.
„Јас наидов на исклучително чесен и искрен пристап кон мене, прифаќање на аргументите, пред сè на она што понудив за идна агенда на ЕПП со цел да ѝ помогне на ВМРО-ДПМНЕ да го најде својот европски пат. Европскиот пат на Македонија мора да се забрза. Не смее во Македонија да се има впечаток дека СДСМ е носител на Европа, а вмровците, односно ВМРО-ДПМНЕ е против. Напротив, има огромен дел од ВМРО-ДПМНЕ кој е живо заинтересирани да ѝ помогне на Македонија да чекори по европскиот пат. Европските претставници имаат разбирање за нас“, смета Богојески.
Новиот “премиер” на ЕУ, Manfred Weber????
Gepostet von Петар Богојески – Petar Bogojeski am Donnerstag, 8. November 2018
ВМРО-ДПМНЕ има две делегации на Конгресот на ЕПП во Хелсинки каде сè уште траат средбите со високите претставници. Едната делегација е предводена од лидерот на ВМРО-ДПМНЕ, Христијан Мицкоски, а другата од реформаторот Петар Богојески. Заедно со Богојески се и пратеничката која гласаше за уставни промени Емилија Александрова и ексфункционерот Никола Тородов, кој беше исклучен од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска Давкова: Посебно ми беше убаво кога видов дека сме победиле и во Муртино
Гордана Силјановска-Давкова порача од Струмица дека ќе се вивне политичкиот вулкан како отпор на феудалните енклави на замислените европјани.
„Во Струмица се чувствувам особено добро бидејќи знам дека оттука ќе тргне тој политички вулкан што ќе стави крај на последната феудална енклава во Македонија. Таа енклава ја нареков феудот на Заеви што ќе се распадне! Замислете, „заколнати“ самонаречени европјани мислат дека со рефудализација ќе стигнат во ЕУ. Неверојатно нешто! Посебно ми беше убаво кога видов дека сме победиле и во Муртино“, вели Силјановска-Давкова.
Како што цели, во дебата, квази дебата на давеник што се фаќа за сламка, била прашана како може да не го употребува името „северна“, и дека го кршела Уставот.
„ Му објаснив дека правото на самоопределување е колективно право и дека Македонија истото го искористи уште на АСНОМ. Но и дека секој од нас има право на индивидуално самоопределување и дека никој, никогаш ниту мене, ниту вам не може да ни забрани да го употребуваме името Македонија. Замислете, во една емисија, во еден изборен циклус, не знаете кој е кој, не знаете со кого разговарате, бидејќи господинот Пендаровски неколку пати го негира она што го кажал. Во една изјава сум одличен професор, меѓународно признат експерт, дека сум имала висока морална вертикала. Па после вика не, јас мислев на висока морална вертикала во однос на Уставниот суд. Пазете, луѓево имаат по десет морални вертикали. Еднаш за Уставниот суд, еднаш за Собрание, еднаш за претседател… Неверојатен конгломерат. Како тогаш очекувате став од ваквите луѓе? Како очекувате да опстојат?“, додава Силјановска-Давкова.
Македонија
Милионерот Каевски ја злоупотребил позицијата како директор на АМС, со распределбата на ваучерите направен милионски криминал, велат од ВМРО-ДПМНЕ
Милионерот Дарко Каевски ја злоупотребил позицијата како директор на Агенциојата за млади и спорт, АМС, со распределбата на ваучерите направен е милионски криминал, велат од ВМРО-ДПМНЕ.
„Каевски како директор на АМС, неговиот наследник Наумче Мојсовски и Даниел Димевски од МОК се гонат заради сомнежи дека како директори на Агенцијата, но и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и луѓето што имале законско право на тие пари, а не им биле доделени“, дополнуваат од ВМРО-ДПМНЕ.
Според нив, во предметот на Државната комисија за спречување на корупцијата, врз основа на кој, како што известија медиумите, е поднесена пријавата и отпочната постапката се присутни сомневања дека спортските федерации, клубовите и спортистите добиваа ваучери, а одредена фирма ги реализирала под услов дел од парите да ги добие назад преку даночно ослободување.
„Сега е повеќе од јасно зошти Каевски беше најжесток гласноговорник на СДС, повеќе од очигледно е дека интересот му бил голем. По оваа афера станува јасно зошто спортот во Македонија во последните 7 години е на историско најниско ниво. Наместо за развој на спортот, парите наменети за истиот се пренасочувани во криминални шеми, додаваат од партијата.
Македонија
Битиќи и кандидатите од ИЕ2: Со повисоки плати правично го вреднуваме трудот на работниците
„На овој Ден на трудот, но и во останатите 364 дена во годината ние сме рамо до рамо со вас. Вреднувањето на работникот е главен постулат на социјалдемократските вредности за кои и се боревме овие седум години. Достоинствен живот за секој работник и работничка во нашата Македонија“, вели во видео обраќањето Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2, по повод 1-ви мај – Денот на трудот.
Во празничното обраќање Битиќи заедно со дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Анета Здравковска, Билјана Муиќ) кажуваат дека обезбедено е трудот не само да се цени, туку и правично да биде награден.
„Заеднички ја браневме нашата заедничка социјална кауза. Како Влада дадовме приоритет на растот на платите во сите сектори подеднакво, затоа што тоа е најважно за поттикнување на правичен социо-економски развој. Успеавме просечната плата двојно да ја зголемиме од 2016 година на речиси 40.000 денари“, кажуваат кандидатите, притоа потсетувајќи дека минималната плата од 10.000 денари во 2016 година, во март 2024 година изнесува 22.500 денари, што е зголемување од 125 проценти.
„Ние се погриживме животниот стандард да остане не само недопрен, туку и подобрен во услови на инфлација“, велат кандидатите и кандидатките и нагласуваат дека овој раст не е случаен, туку дека тоа е резултат на намерна политика насочена кон подигнување и заштита на животниот стандард на работниците и работничките, политика на системски решенија.
„Нашата посветеност на социјалдемократијата обезбеди растот на платите да е изолиран од партиски интереси. Трудот никогаш повеќе нема да биде пион во политичките игри, а ние цврсто стоиме да ги заштитиме правата на сите работници и работнички без оглед на етничка, религиска или партиска определба. Честит нека е денот на трудот“, вели Битиќи заедно со дел од кандидатите и кандидатки за пратеници на Коалицијата за европска иднина во ИЕ2.