Црна хроника
Малолетник претепал и ограбил жена на улица во Скопје
Тинејџер физички нападнал жена среде улица во Скопје, при што ја турнал на земјата и удрил две тупаници во лице, насила и одзел златен ланец од вратот, по што побегнал.
Одделението за имотни деликти и малолетничка деликвенција Центар и Бит Пазар до надлежното обвинителство поднесе кривична пријава против лицето М.К. (18) од Скопје поради постоење основано сомнение дека извршил кривично дело “разбојништво“.
Осомничениот се здобил со противправна имотна корист од околу 15.000 денари, за што од страна на судија во претходна постапка одредена му е мерка домашен притвор и одземена му е патната исправа.
Кривичното дело пријавениот го извршил на тој начин што додека оштетената се движела по улица „Кемал Сејфула“, следејќи ја во еден момент и пришол од зад грб, ја фатил за златниот ланец која го носела на вратот, ја потегнал и откако не успеал да и го откине, ја фатил за рамената ставајќи и сопка на нозете и туркајќи ја наземја ја удрил два пати со тупаница во пределот на лицето. Потоа повторно ја фатил за ланецот при што успеал насилно да и го откине, и по една споредна уличка незабележан од никого со трчање се упатил во правец на Дижонска.
По превземените мерки и активности, од страна на полициските службеници од одделението за имотни деликти и малолетничка деликвенција Центар и Бит Пазар, утврден е идентитетот и адресата на пријавениот и по претходно издадена наредба од страна на судија на претходна постапка, извршен е претрес во домот на пријавениот. Истиот ден од страна на полициските службеници од ЕПОИ Алфа ,
М.К. е лишен од слобода и задржан во ПС ОН „Бит Пазар“ каде е извршен службен разговор, како и препознавање од страна на оштетената , која со сигурност го препознала пријавениот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се договориле да ѝ донесе дрва, па откако му дала 100 евра си заминал и не се вратил: кумановка пријавила дека е измамена
Седумдесет и двегодишна кумановка во полиција пријавила дека била измамена за 6.000 денари при набавка на дрва за огрев, информираше денеска СВР Куманово.
-Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена, соопшти СВР Куманово.
Полицијата презема мерки за расчистување на случајот.
Ова не е прв случај на измама при набавка на огревни дрва.
Во јануари годинава, беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари.
Во 2023 година на подрачјето на СВР Куманово биле регистрирани вкупно седум измами за дрва, а во 2022 година 15 вакви пријави. СВР Куманово презема мерки и активности за пронаоѓање и санкционирање на сторителите на овие измами.
-Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192, велат оттаму.
Црна хроника
Двајца Срби краделе велосипеди во општина Аеродром, полицијата ги фати
Министерството за внатрешни работи информира дека двајца Срби се уапсени под сомнение дека сториле 7 кривични дела, од кои 6 тешки кражби, како и кражба на велосипеди низ општина Аеродром.
„Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р.Србија.
Тие се сомничат дека во изминатиот период извршиле 6 кривични дела „тешка кражба“ и едно кривично дело „кражба“ на велосипеди на подрачјето на општина Аеродром. Двете лица се лишени од слобода, а украдените велосипеди се пронајдени кај пријавените и вратени на сопствениците“, велат од МВР.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.