Спорт
Ѓоковиќ не му даде ниту „утешна“ победа на Чилиќ, со 3-0 во полуфинале
Новак Ѓоковиќ ја продолжи победничката низа против хрватскиот ривал Марин Чилиќ, победувајќи го со 7:6(7)/6:2 во последното коло по групи на АТП финалето во Лондон, во меч кој немаше големо значење.
Ѓоковиќ и пред овој меч го имаше обезбедено првото ме…
Новак Ѓоковиќ ја продолжи победничката низа против хрватскиот ривал Марин Чилиќ, победувајќи го со 7:6(7)/6:2 во последното коло по групи на АТП финалето во Лондон, во меч кој немаше големо значење.
Ѓоковиќ и пред овој меч го имаше обезбедено првото место во групата и дуел со Кевин Андерсон во полуфиналето, додека Чилиќ немаше шанси за пласман, така што тенисот беше само за полната „О2 арена“ во Лондон.
По тесниот прв сет, кој се одлучуваше во драматичен тај-брејк, српскиот светски тенисер број 1, бргу го декласираше Чилиќ во вториот сет за да го забележи 17-тиот триумф во 19 меча со својот добар пријател.
Во второто полуфинале во Лондон играат Роџер Федерер и Александер Зверев.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Перишиќ ја режираше, а ВАР ја одбрани победата на Хрватска
Хрватска ја совлада Шкотска со 2:1 (1:1) во третото коло од групата 1, во А-дивизијата во Лигата на нации.
Натпреварот на стадионот „Максимир“ во Загреб го обележа пресвфтот на Хрватска и драматичната завршница во која ВАР ја „одбрани“ победата на домашната репрезентација.
Шкотите беа подобри на теренот во првите 30 минути, а тоа го материјализираа во 33. минута, кога неколкуте грешки во одбраната на Хрватска ги казни Кристи.
Само три минути подоцна Матановиќ успеа да израмни. Пресвртот Хрватска го комплетираше во 70.минута кога Крамариќ го постигна вториот гол. Асистент за двата гола на Хрватска беше Преишиќ.
Во 88.минута Кристи имаше чиста шанса, неговиот удар заврши крај голот, а во 95.минута Адамс постигна гол, кој ВАР го поништи поради офсајд.
Спорт
Репрезентацијата на Мбапе повеќе не му е приоритет
Килијан Мбапе не е баш омилен меѓу француските фанови во последните денови. Еден од најдобрите светски фудбалери прво реши да го прескокне октомврискиот собир на репрезентацијата и натпреварите во Лигата на нации, поради лесна повреда, а потоа беше фотографиран како минува време во рестораните во Стокхолм, додека неговите соиграчи се обидуваат да изборат пласман во фајналфорот на натпреварувањето под покровителство на УЕФА.
Сега медиумите во Франција и Италија пишуваат дека Килијан Мбапе имал интерен разговор со селекторот Дидие Дешамп, во кој му рекол дека планира да игра само на важни натпревари на репрезентацијата бидејќи сака да се посвети н освојувањето на најважната индивидуална награда во 2025. во светот на фудбалот, Златната топка.
Мбапе смета дека Лигата на нации е недоволно важно натпреварување, и дека на репрезентативните колеги може да им помогне во квалификациите за Светското првенство, но да ги прескокне сите други натпревари како сега.
Французите на социјалните мрежи не се воодушевени, особено поради фактот што го минатото лето го напушти ПСЖ и се пресели во Реал Мадрид.
Треба да се додаде дека тој преку суд побарал некои неисплатени бонуси и дека е во војна со францускиот клуб.
Спорт
Меси и понатаму зема плата од Барселона, клубот од кој замина во 2021 година
Лионел Меси постигна 672 гола и асистираше на уште 303 на 778 натпревари во дресот на Барселона. Иако играше за Пари Сен Жермен откако ја напушти Каталонија пред да потпише за Интер Мајами во МЛС минатата година, Барселона сепак го плаќа. И не е единствениот за кого одвојува пари, а кој веќе не игра таму.
На платниот список на нивниот поранешен клуб се и Серхио Бускетс и Џорди Алба, со кои играше со години во Барселона, а потоа повторно се обедини со нив во Мајами. Сите тројца се согласија на одложување на платата за време на пандемијата на коронавирус со цел да се олесни финансиската состојба на клубот. Барса сега ги отплаќа тие долгови.
Според договорот тоа ќе го прават до крајот на оваа сезона и дури потоа ќе го тргнат тој финансиски товар. Парите што им ги исплаќа на трите ѕвезди не се класифицирани како тековни трошоци бидејќи тие бројки беа вклучени во сметките на клубот за 2020/21 година. Барса во таа сезона требаше да одвои околу 84,5 милиони евра за плата на Меси.